مل قلبٍ لاعته دنياه شال الهم كله

[صقرالحجاز]

هذه القصيده من إنتاجي

وأتمنى أن تعجبكم

أقول فيها:

مل قلبٍ لاعته دنياه شال الهم كلّه
من عنا دنياه شال الهم ياويش السبايب

واه يادنياً نذوق إبها المهونه والمذله
مانحصّل من وراها غيرصكات المصايب

دارتفنى من بعدنا فانيه لاشك بالله
ذايبه واللي عليها لويطول الدهرذايب

من بنى مستقبله بيديه يتعب ماوصلّه
يبتدي طفلٍ صغيروينتهي والراس شايب

كم نعيش وكم نبقّي للسنين المستهلّه
لوتعيش الناس فيها ماتذوق ألا العقايب

نعنبوها حلّةٍ ماهيب للرجال حلّه
حلّة الرجال قبرٍ موحشٍ فوقه نصايب

عزّتي للي عشق دنياه وابليس استحلّه
مالقى في دنيته غير التعاسه والنشايب

الدروب اللي تلوّى والمشاريع المخلّه
من تحت راس الموسوس ذاك مدهون الصلايب

يالبيب إفطن ودلّ الدرب للرحمن دلّه
كلّها أيام وليالي عندنا وتصير غايب

لالفاك الطرقي اللي سل سيفه من محلّه
ينشدك عن طيب فعلك ياولد ويش انت جايب

واهنيّ اللي لفى عند العظيم وفي سجلّه
خطّو إنه تايب من الذنب والعصيان تايب

الحقيقه كل واحد ماعتصم من كل زلّه
لكن المخطي يعدّل زلته ويكون صايب