ديوان شعراء وشاعرات المرقاب الأول ..

[عبدالله المشعلي]

قصائد نجوم المرقاب

لشهر " محرم " عام 1431هـ




البـارحـه سـقــت فـكــري يا معنـيـنـي=وسريتهـا شـوق فـي كــل اتجاهـاتـي
احيان اشوف اللقاء مـا بينـك وبينـي=اقرب من انفاس صـدرا تقفـي وتأتـي
واحيـان تخطـي عناويـنـك عناويـنـي=ابـعـد مــن انـجـوم لـيـلا فالسمـواتـي
لـو ان حزنـي مـن الوجـدان يطوينـي=تشـووف وجهـي تقاومـه ابتساماتـي
فيابنت خلـي يديـك اتلااامـس ايدينـي=وأقـري بعينـي مـن الـواقـع معانـاتـي
الحمـل مثـل الجبـل والحـظ يعصينـي=لــكــن مـاغـيــرة فـيـنــي قـنـاعـاتــي
نفسـي معـا عـزتـي داايــم تخاويـنـي=تـطـول الايــام واتـطـول المسـافـاتـي
ولــو ان مـاعـاد بــه طـبـا يـداويـنـي=يهـوون موتـي قبـل لا هــل عبـراتـي
ولا فيه شخصا مـن العالـم يواسينـي=عن اكثر النـاس ضاعـة كـل هقواتـي
حتى الذي كنت احسـب انـه موالينـي=وقـت الشدايـد لقيتـه مــن خسـاراتـي
بالله وش عـاد بـاقـي يـاخـر اسنيـنـي=مـادام فـات الـفـرح معـظـم محطـاتـي
كم غصن حلما يبس داخـل بساتينـي=لو مـات فـي تربتـي فالبـال مـا ماتـي
وكـم ضـو تشتـب تــوي مــا تدفيـنـي=لــو انـهـا فالضـلـوع بـداخـل الـذاتـي
عزمـي يقـاوم شقـى وقتـي ويفنيـنـي=كثر انتظار الفـرج فـي عمـري الأتـي
ولا فـيـه شـيـا عـلـى الدنـيـا يبكيـنـيمـا دامنـي بيـن حـسـااادي وشمـاتـي
الـراس مرفـوع لــو تكـثـر دياااييـنـي=لـــو انـهــا الاف مـلـيـون الـريـالاتـي
ولو عد تيماء نفـذ مـن دون يروينـي=والله لارد عـلــى سـبــع المحيـطـاتـي
أمـــال فـكــري ونـظـراتـي تـوديـنــي=عـلـى طـريـق السـعـاده والمـسـراتـي
بصـيـص نــورا مــع الدنـيـا يقديـنـي=ولا اتـحـرى لشمـسـا مالـهـا اوقـاتـي
تعجز طمـوح الفتـى وسـط الميادينـي=وتبقى رجوله على رووس المنيفاتي
المسكـنـه والضـعـااافـه للمساكـيـنـي=واانااا ما واطن صفاتا ماهي اصفاتي
اضرب علـى الكايـده بالعـزم واتلينـي=حـتـى لوانـهـا جبـااالـك يالـسـرواتـي
فالله يجـافـي زمـانـن صــار جافيـنـي=والله يـعـوض حيـاتـي كـــل مـافـاتـي
والله عـلـى ماحـصـل دايــم يسلـيـنـي=مـن بعـد ناسـا لهـااا كـل احترامـاتـي
الوجد مدري على اي ساحل يرسينـي=والموووج في داخلـه احيـا وامواتـي
ااخاف في رحلتـي مـااا عـاد يمدينـي=اوصــل لـبـر الامــان بـكـل قـوواتــي
جايز الأكلبي


من يبتني بيت عز ويرفع جداره=تضحك عليه العرب لا عَود وهَدّه
ولا خير باللي لمنّه طال مشواره=وقّف بعيره ونزّل حمله وهَدّه
ولاخير باللي لمنها جاتك أخباره=قالوا نشوفه مع الجيران في هَدّه
ومن لاعرف قدر نفسه قل مقداره =وجاته مشاريه خلق الله منهَدّه
واللي على ابسط بسيط يبيّح أسراره=على الطريق الطويل الصعب ويش حَدّه
أحسن له من التعب يرتاح في داره = يرتاح مادام مأحدٍ جاه في حَدّه
ياللي تعيب العرب ليّام دواره =تظهر بك عيوب واعيون العرب حَدّه
والسيف ياللي تخبط الضلع وأحجاره = أما انكسر مقبضه وألا انثلم حَدّه
خلك بعيدا عن الميدان والغارة = ما يدخل الحرب رجلٍ مامعه عِدّه
من يحتزم بالردي يظهر له البارة = يبشر بمشرب هماجٍ نا ضبٍ عِدّه
واللي لا جات اللوازم تقصر أشباره = ياللي تعد الحضور اشطب على عَدّه
والدلة اللي بغالي الهيل فوّارة=فنجالها عن ردي المعرفة عدّه
عبد الهادي سعيد المسعودي


يا مرحبا يا الطويله عد ما هلي=وبل تلاحت رعوده في مخاييله
يا مرحبا يا هلا يا زينت الدلي=ما عندي أغلى من الغالي وتدليله
أنتي من الروح وأنتي شيخة الكلي=يفز قلبي يوم اشوفك على الزيله
شوفك مناي وهوى بالي وشف لي=في مربخ زايف عشبه بأتاويله
حبك بوكر الحشا ثابت ومتعلي=في منزل ما حد ياصل مواصيله
يدور حبك معي حتى وأنا أصلي=ما يفخت القلب لا يومه ولا ليله
لو الملايين في ما طاك توزن لي=غلاك من خاطري ما ظن تبديله
غلاك يا الغاليه ما هوب منحلي=من خاطر اللي غلاك اغلا محاصيله
جعل الروايح على مرباك تنهلي=واسلا مع اللي مداهيلي مداهيله
في خايع سايل بالجم متملي=يا زين شوف الخباري في رثا سيله
ونبت الزهر في محيره كنه الزلي=ما تقدر تميز ألوانه وتشكيله
وبيت الشعر في مفيض الروض مبتلي=عليه رش المطر تمطر هماليله
محمد سعيد المسعودي

[عبدالله المشعلي]

قصائد نجوم المرقاب

لشهر " صفر " عام 1431هـ





مـرت سـنـه فـي غـياب الـنـور ضاع الـدلـيـل=شــحـت أبـيـوت الـقـصيد اللي نغـنـيـبها
جـرد الـصـدور امـحـلـت والـعـام هـذا طـويـل= وهـمـوم صـدر البسيـطه عاوي ٍ ذيـبهـا
الـشعـر نـبـض الـمـشاعـر بيـن نـار وفـتــيـل = والــفـرحـه الـيـوم غـنـوا يـا منـاديـبـهـا
يـا مـرحـبـا عـد مـا هــلـت مـزون الــمـخـيـل = تـرحـيـبة ٍ يسـتـمـد الـطـيـب من طـيـبها
تـرحـيــبـة ٍ مــا لـهـا فـالـكــون نــد ومـثـيــل = شــرد هـجـوس ٍ تـقــدم فـي معـازيـبهـا
قـدر ٍ لـ أبو خـالـد الـضرغـام زبـن الـدخـيـل = الـوافـي اللي أعـلـوم الـطـيـب يحريـبهـا
سـلـطـان رجـل الـمـكـارم كـل صـبـح ٍ ولـيـل = أفــعـال الأمــداح لـ عـيـالـه يـوصـيـبهـا
نهـجـه عـلى نهـج ابـوه اللي عـدل كـل ميـل= مـوحــد الـمــمـلـكه ومـعــيـد تـرتـيـبـهـا
يوم المغازي على هجن وعلى اضهور خيل = والـجـهـل نـاره تواقـد مـن مـشـاهـيبـها
يسري ويسـرح ولا يـطـري عـلـيه المـقـيـل = عـزمـه قـــوي وهــقـاويـه نــمـاريـبـهـا
لــم الـشــتــات وزرع لأمــال ورد ونـخـيــل = في سـاعــة ٍ مـلـت الأنـفـس عـذاريبـهـا
وأرجـع لـتـاج الـقـصيد اللـي ظـلالـه ظـليـل = الـلي يـطـفـي عـن الأنـفـس لواهـيـبـهـا
سلـطان ابو خـالـد اللـي كـل فـعـلـه جـمـيـل = مـواقـفـــه مـا بـتـحـصـيـهـا كـتـاتـيـبـهـا
كم جـدد أمـال شـخص ٍ مـا بقي فـيه حيـل = كم نـاس من وقـفـته صفيت مـشاريـبها
شـيد صـروح تـعـالـج كـل شـخـص عـلـيـل = واعـتـق ارقــاب ٍ وحقـق من مـطاليبها
يـرجي ما عـنـد الـكـريـم اللي يـمد الـجـزيـل = وفـي طـاعـة الله نفـسه زاد تـهـذيـبهـا
مـــدات جـوده سـحـايـبهـا ســقـت كـل حيـِل = تــزرع نـفـوس هجـيـر الـفـقـر يلـويبهـا
كم حقق أحـلام نـاس ٍ مضـتـهـدهـا الـقـليـل = اشـياء ٍ دريـنابهـا وأشـياء ٍ ما ندريبهـا
عـوق الخـصيم وعلى العدوان سـلطه ويـل = درع الـوطن سـطـوته تقـتـل مضاريـبها
ولـي عـهـد الـبــلاد مـحـقــق الـمـسـتـحـيـل = أفـضـال عـطفه جـمـيع النـاس تحـكيـبها
مهدي الاحبابي

بروق الوسم لاحت وانعشت معها جميع الناس =تكاشف بالمزون اللي تزبر في مناشيها
تسر البال وتزيل الهموم وتبعد الهوجاس =مناضرها سعادة باول الدنيا وتاليها
وهلّت فوق الارض وسيلها ما ينحصر بقياس =تباشر به رجالٍ ترتجي مدات واليها
والى بين نبات الارض جاب اخبارها العساس =يوصفها ويذكر كل نوع من نواميها
علومه شدت اهل الذود مبعدة الجزع والياس =رجالٍ بالمواقف ما تخلى عن مباديها
اهل صفر ومجاهيم وشعل يبرى لها النوماس =واهل وضحٍ مشاهدها ينومس قلب راعيها
تميز طيبها وعموقها معروفة من ساس =ولا يخسر بوسط السوق بايعها وشاريها
لها قيمة ثمنها ما يوصف بالذهب والماس =تشرفهم ليا جاء بين كل الناس طاريها
تماري بالوصوف الوافيه لو وصفها حساس =ولكن وصفها ما هوب خافي عند اهاليها
مثل ما قيل طفح وجيه وارقاب وضخامة راس =عراض الخد جمل وجهها حنوة عرانيها
مزاياها كثيره ما عرفها الا قوي الباس =هذاك اللي يباريها ويندبها باساميها
قطع فيها الفيافي ما وقف من دونها حراس =ولا يرتاح باله لين ترتع في مفاليها
أحمد بن سعود الحمد

يسود الصمت..واطراف الظلام..وحشة الاشباح=يجود..الهم والقلب..المعنـى يبتـدي..ليلـه
هدر ليل العنى وقت..الزمان وابتـدى..برمـاح=بدا هم..القلوب اللي..تزهـب فـي..تعاليلـه
رسم بأقوى..كتابات العـذاب..وحبـره الذبـاح=عشق دمع الزلال العذب..ورخـى فـي تهاليلـه
وقف بين الضلوع العوج. ذكر فـي زمـان ٍ راح=وقف ينفض من غبار الهمـوم وهـي تطـوي لـه
وقف يصرخ.. وانا ودي يفضفض..بعدها ويرتاح=اهدي..بعضه الاول..وبعضـه يبتـدي..حيلـه
سكن مده..وانا افكر ليالي .. يمكن ..وينـزاح=مشى .. خطوه .. بثر خطوه..وبين لي .. بهاذيله
اخذ يطعن..كاني ذنبه اللي..علـه .. واجتـاح=يلوم القلب..ويحسّب جفافه..ينتظـر .. سيلـه
الا ياقلب..لا تفرح الا من .. شفتنـي .. مرتـاح=ترى بعد .. الفرح دايم تجي .. للحـزن..تفعيلـه
يخيّب هقوة..الهاقي وينهي..روحـي ويرتـاح=عجزت افهم..سياساتـه..تعذبنـي..تهاويلـه
ترك كل..الحكايا والتفت..يمّـي بدمـع ٍٍ طـاح=يوصيني..على قلب ٍ..تهاوت بـه..تفاصيلـه
مشاري بن جدلان

[عبدالله المشعلي]

قصائد نجوم المرقاب

لشهر " ربيع الأول " عام 1431هـ





ما بقى لي بالعمر كثر ما راح=والعمر يمضي مع الوقت ويروح
لا قضى شغلي ولانيب مرتاح=متعب نفسي على غير مصلوح
لكن الدنيا تبي صبر وكفاح=والبشر كل بدنياه مشفوح
والقدر يومي بي اوماي ملواح=والخطر في درب الآمال مطروح
بين الافراح السعيده والأتراح=كل بحر شارب منه قرطوح
أمسي ونومي كوابيس وأشباح=وأصبح وعندي تفاكير وطموح
وأن خذت بي بعض الأفكار مشواح=ودي أزرع لرض وابني بها صروح
وأعبر الغبه على ذات الألواح=لين ترسي بي على جال مسفوح
في رجا اللي بأمره الهم ينزاح=اللي أنجا يوسف ويونس ونوح
بيده الأرزاق وآجال الأرواح= فالقٌ حب النوى خالق الروح
ما معي لأبواب الأرزاق مفتاح=عند ربي باب الأرزاق مفتوح
والقناعه راس مالي والأرباح=راضي باللي كتب لي على اللوح
لو هوى نفسي مساري ومسراح=سجة فيها شفا كل مجروح
لا جذبني رايح بارقه لاح=قام يلفح بي من الشوق لافوح
وأتبع وسوم الحياء وين ما طاح=وأتغزل في هوى كل مملوح
طير يا اللي فوق الأغصان نواح=أطرب وغرّد على سدرة الدوح
يا هنيك يوم لك ريش وجناح=والا أنا لا ضقت مدري وين اروح
عبد الله المشعلي


كتبت القصيد وغايتي في طراة البال = مافكرت في جمع الجنيهات والشهره
ورثته من الشايب تسلسل مع الأجيال = عسى الله يحفظه لي ويطول بــ عمره
ولو ان بعضه فيه معنى وضرب امثال = ورسايل عصور(ن) ماضيه في عهَد عصره
يبرر عن الموقف ويشرح عن الأحوال = ومن يتقنه يقدر يوصلك الفكره
وإذا جات للشي الحقيقي تراه اقوال = كلامٍ قديم ومقدم القول هو نثره
ترى الشعر مايرفع ولا ينزل الرجال = كلامٍ مسطر كل سطرٍ على سطره
إذاصار ماللرجل فاالموقفات افعال = ترى الشعر مايدخل مع الرجل في قبره
عسى الله يقدرنا على صالح الأعمال = قبل لايطول الحشر في ساعةٍ عسره
ياكثر الأسامي فاالشريحه وفاالجوال = ولافيهم الي فاالمواقيف مختبره
ياكود ابو متعب صاحبي وافي المكيال = وسيع البنايد وافي الطيب والعشره
صبي المراجل معتلي نايف الأطلال = تبين الحرار وكل حر(ن) على ندره
يقولون وينك ماتبينت ياهلال = وانا الغايب الي ياجماعه معه عذره
اكافح زماني والمصيبه كفاحي طال = صغير(ن) عطاني وقتي القاسي الخبره
اشوف السنين اسرع من البارق الهمال = وعمر البنادم كنه الخيط فاالمكره
ياكثر المصايب تالي الوقت والأهوال = عسانا من احداث الزمن ناخذ العبره
على ما مضالي من سنيني بنيت آمال = لاكن القلوب الطاغيه مالهم خشره
رمتني هوامير البحر يافهد فاالجال = هذي قدرة الله والله الي له القدره
ورضيت بمصابي واعتنز والحمول ثقال = على الخالق الي كل مسلم يطيع امره
مدام البنادم صحته هي راس المال = الأرزاق في سبع الأراضين منتشره
على المصطفى صلو عدد مايهل هلال = يطول الكلام وزبدة الهرج مختصره
هلال المقاطي


حــبـك بــقــــلـبــي حــّطــــم انـــواع الارقـــــام =النـــاس تــــــتــقـــدم وانــــــا دون فـــــي دون
كنــي سـجـيـنٍ يـــنتـــظــر حــكم الاعــــدام = حـان الـرحـــيل وضــاق بــه واسـع الكــــون
قــام يـــتــخـــيل بــــكــره اطـفــالــــه أيــــتـــام = لاغــاب عنـهـــم كــــيف مـمــكـن يعـــيشــون
ابقــول لــــك شـــــيٍ بـصدري من العام = ابصـارحــك وابــــــيح لـــــــك كــل مكــنــون
وقـــــول لـــــلــحـــســاد حــــاقــــد ونـــــمـــام = هــــذا الصـحــيــح وســو و الــلـي تـســــوون
كلمةاحـبــــك كـــلـهـا كــــذب واوهـــام = مثـلي ســوات الــلي مـع الـخــيــل يـمــشـــون
ســمــعـت لــي نــاس(ن) يـعــزفــون الانــغــام = وقــمـت اصـلخ اشـعاري مــثل مـأيــقـولــون
احـــد(ن) يــقـــول انــه مــن الــحــب مـنــظـام = واحـــد(ن)يــقــول انــه متـــيــــم ومـجنــون
واخــر نحــل جـسمـه مــغر جــلــد وعــظـام = ونـاس(ن)عــلى جـمـر الــغضـا منه يصـلـون
وبنـت(ن) يــقـــولـون الــعـرب حــبهــا ســـام = والنــاس مـن ســـبـــة هــــواهــا يــمــوتـــون
واللى سـدا حـروفــه عــلـى وصــف الاجسـام = وصف الشعر والطول والـــعرض والــلـــون
رســــمٍ كــــذاء مـــأ يــرســـمـــه أي رســـــام = لاقــــالـــهــــا كــــــن الاوادم يـشــوفــــــون
ونـاس(ن) يـقـــولــون الــفــنـا فــوقـهــــم حـام = اشــوفــهــم في بعـــض الاحــيـان يبــكــــون
لاوالـــذي يلــهـمـــــني حـــروفـــــــه الــهـــام = ويــصّرف الـــد نــيـا مـن الـكــاف لــــلنـــون
مــاابــكـــيــك ليــن الــغــرب يبكـــون صــدام = ويبكـون اهــل غـــزه عـــاى مــوت شــارون
وبـوش الـمريكـي يــرتــــدي بـــيض الاحـرام = ويطــوف بــالــكـعبــه مــع الـــلي يـطـوفــون
وبلـــير يـشـري لـــــــه مـجــاهــيــم وخـــيـام = يــــوم ان ربــعـــه دون رفــحــــا يشــــتون
استــغــفـرالــلــه مــابــقـي غــــيــر الاقــــزام = لا والــــلـــه الا عـــــن وطـــــنا يـــعــــقبــون
مــأيــقربــون البــــــــيت عــــبــاد الاصــــنام = الــلي عـلـى تــــفريـــق الاجـــواد يســـعـــون
يـادار لاتخـشـــى صــــواديـــف الايـــــــــــام = واخــوان نـــوره بـعـــد ربـي لـــــك حصــون
يبـكـيــنــي الــلــي لـــلمــــــلـــذات هـــــــدام = ليــا ذكـــرتــــه صــا بنـي خـــوف وجــنــون
يــاكـــم مــن حـــيا بــــعـــد فــرحــتــه نـــام = نــوم الـعــوافي واصــبح الــصــبح مــدفـــون
الحــب عـني بـعـــــد صنــعــا عــن الـــشــام = مــــادووره لـــــو دوور الــســلم صــهيـــون
الحـب مـــايســـكـن صـــدر حـاف الاقـــــدام = صـدري قـــبل حبــك مـن الويــــل مســكــون
مـافيـه شــي اطـــيـــــب مــن الحــــظ لاقــام = وحــظي انـــا يــــابـــنــت قــاســـي وملــعـون
احمل شــهـادة طــب فـي رعـــي الاغــنـام = واصلت لـــين اصبــحت جنــدي ومــــديــــون
مــاامـــلـــك الا ثـــوب وشــــمــــاغ بــســـام = ودد ســن تـــبي تــغيــير عــلبـــة دركــســون
ابــوي عـــانــــه مـــن وراء عـــرق لـــــزام = كنـــي اشــوفـــه فـــــاول الـــذود بـــــالشــون
يـفـرش مـن الرمــضــا فـراشـــــه لـ يا نـــام = ويـدرس مـن الــصــحـراء تـعــاليــم وفــــنون
يـابنـــت مأيــروي ضـما الـكبــــــد حـجــــام = علــيــك بـــاالــــلي بــــالــمســاجـــد يــعـــدون
يزهاك نــشـــمـــيـ(ن)شـــقـــردي ومــقــدام = مـشــهــود لـــه مــن زمــــــرة الـــلي يصلـون
مــــدربـــه عـــوده عــلى طـــبــع الاكــــرام = لــوكــان مـا يمـــلـــك مــن الــمــال مــاعــون
يكـفي علــيه انــــه مــــــصلــي وصـــــــوام = و ليــا وعــد بــالـوعـــــــــد وافي مــضــمـون
اخـير لـــك مـن شــاعـر احـــــلام واريــــام = يـــومٍ ســعــيــد وعـــشــرة أيـــام مـــحــزون
اهــل الشـعريـــابــنـــت مــن قـــبل الاســـلام = قـيــل انــهــــم في كـــــل وادي يـــهيــــــمـون
وان هـــام واحــد واطــرب الــنـاس لاهـــام = مـاهــيــب لــلــه قــصــده النـــاس يـــوحـــون
ابــكـي وانــا ببـــكي تــرا الــــدور بـــالــزام = اخــفي دمـــوعـــك واحــــذر النــاس يـــدرون
قـــــولي هــمــومك بــس فــحــدود الاحـكـام = وســرك لـــيا قــلــتــيه فالـــحفــــظ والــصــون
الـلــه ياليـــــت الحــب بــالــــمال يـنـــــســـــام = ابشــتري لـــك مــنــه خمـــــسين كـــــرتــون
ونعــيش في دنـــــيــا كــــذا كــــلهـــا احــــلام =انتي ولاغيرك على روحي يمون
انــتي قــــمــر لاصــار نـــور الـــقــمر تـــــام = وانـــوارك ان غـاب الــقــمر عـــنه يكـــــفون
افـــــرش لـــك الــدنــــيا بســـــا تيــن واهــرام =وسخر حروفي لك انغام واللحون
استــغغر الــــلـــه خــــــاف يلـــحـقــني اثــــام = شفـتي تــناقــض راعــي الشــعــــر وشــلــون
مــــره غــــــرام ومـــــــره جــــــــروح والام = ومره نــصـائح شــخـص صــادق ومــغـــبون
انـــا وشعـــري بــينـــــنا ولــــف وهيـــــــام = هـو مــنفــتــن فيــــني وانــــا فـــيه مــفـتــــون
مجـرم شــعر مـتــعــدي حــــدود الاجــــرام = ياما بكت من سطوة حروفي عيون
يــاما تــثـــنـت مــن وراء حــــروفي اقــــلام = في يـــدين اهـــلهــــا وصفــــقــو مــأيـحسـون
الـعـــذر فـــالتقصــــير يـــاوجــيه الاحـــشـام = وانــا لـــكـم شــاكـــر وذاكـــــر ومــمنــــون
عبدالرحمن العقيلي

[عبدالله المشعلي]

قصائد نجوم المرقاب

لشهر " ربيع الآخر " عام 1431هـ




يا مجمّع علوم المجنـن والصحـاح=كـل النويـا بالقلـوب مبيتـه
وانته تراقب وين مضراب الرمـاح=كأنك وكيـل آدم علـى ذريتـه
ازعجتني بفلان قام فـلان طـاح=وفـلان تخبرنـي بخافـي نيـتـه
وفلان سده من بعد ضيقتـه بـاح=وفلان تعرف حسنته مـن سيتـه
مالي ورى علومٍ ترددهـا صـلاح=وراع النقيلـي ماانتضـر برقيتـه
ونقل الهروج آضنه السم الذحـاح=واشوف في فرقا العـرب ماريتـه
لاتشغل العربان وتزيـد الجـراح=وتطلـع علـومٍ يارفيقـي ميتـه
اترك علوم الناس واللـي راح راح=والبيـر يحفـظ مابداخـل طيتـه
ولاترجي المده من كفوف الشحاح=واللـي مقفـي لاترجـى جيتـه
ولاتطلب اللي مازعل منك السماح=واللـي مجنـب لاتعمـد كيتـه
والمركب اللي مبحرٍ عكس الرياح=لابـد مانبحـر ورى مرثيـتـه
الله يقدرنا على دروب الصـلاح=لـو النوايـا بالقلـوب مبيـتـه
تركي النومسي



هبت عواصف برد الأيام ياحـول=يا حول من ذا الوقت بـرده وحـره
العمر يجري والسنه عدة فصـول=نجاهـد الأيـام كـره و فــره
ياكبر أملنا والرجا ء دوم موصول=وأحلامنا عطشى والأيـام مـره
نصبر على الشدات ونقول بتزول=ولاظنتـي بعـد التعاسـه مبـره
نحمل مع الأيام صكات وحمـول=وأرشيف بقعاء في المحاني مقره
وصدر ٍ من الأيام مغلق ومقفـول=متجنب عثرات خيـره و شـره
من لاشرب من عيلم الري مذلول=يموت عطشانٍ ولا أحـد يسـره
دنيا بها الحيين رحـال ونـزول=كل وراء الحاجات قصاص جـره
ويعيش فيها صاحي الفكر مذهول=وسود الليالـي كـل حـي تفـره
تبلش بها ألافكار وتحيَّـر عقـول=برقاء لجهـال العواقـب مغـره
عسى ركايبنا بلا خطم وحمـول=تروح منهـا بالخفايـف مسـره
سفر بن مبارك


الله اكبـر كلمـا شفـت قامـات النخيـل=انحنت مدري من الوقت وألّا من شقـاي
ادري ان الفرق واضح ولا يبغـى دليـل=بس أعاين مستواها وأعايـن مستـواي
ادري ان الوقت عابر وانا عابـر سبيـل=وادري ان الرزق مقسوم وان الموت جاي
وادري ان البدو لولا القساوة مـا تحيـل=وادري ان لذة زماني تعدت مـع صبـاي
وادري ان ما كل عينٍ على المرقب تخيل=وادري ان ما كل نجمٍ ينوّر فـي سمـاي
كلمة ن باقولهـا والثقيـل اصلـه ثقيـل=ما تزعزعه الشدايد ولا زوكـة عصـاي
بيّض الله وجـه الايـام والحـظ البخيـل=علمتني منهم اصحابـي ومنهـم عـداي
علمتني كيف اميّـز عميـلٍ مـن عميـل=علمتني كيف اشيّد علـى العـزّة بنـاي
علمتني كيف افرّق نهيـقٍ مـن صهيـل=علمتني كيف يزعج هل المشرق عـواي
علمتني كيف اناضل علـى درب الجميـل=علمتني كيف اكـبّ الـردا واهلـه وراي
علمتني بـأن مـا فيـه شـيٍ مستحيـل=علمتني كيـف اطلّـع مـن العلـة دواي
علمتني عزة النفـس لـو مانـي ذليـل=علمتني كيـف بالصبـر احقـق مبتغـاي
علمتنـي شـي مالـه شبيـه ولا مثيـل=علمتني الصدق وقت الزعل وألّا رضـاي
علمتني كيـف كـلٍ يحصّـل لـه بديـل=ألّا دينـي ثـم داري وصحبـة والـداي
علمتني حسبـي الله وهـو نعـم الوكيـل=كيف تضحك لي بوجهي وتطعن في قفاي
العذر ثم العذر لـو غـدا قافـي طويـل=البقـا لله عالـم بيانـي مــع خـفـاي
يا الاهي يا الاهي لـك الشكـر الجزيـل=طالبك يا رب الاربـاب تحسـن منتهـاي
الختام ازكى صـلاةٍ علـى طـه الخليـل=عد ما شالت و حطت فـي الدنيـا يـداي
علي الشهراني

[عبدالله المشعلي]

قصائد نجوم المرقاب

لشهر " جمادى الأولى " عام 1431هـ



يامحـاول كسـر القلـوب المواليـف=وزرع الشقـا بيـن الوليـف وليفـه
ماغيـر الواقـع نميمـه وتحـريـف=ولا زعـزع الغربـي جبـال منيفـه
تاصـل حبالـي لوفقـدت المجاديـف=ياريـف قلبـي يـاهـواه وخريـفـه
لك منـزل بيـن الظلـوع المهاديـف=وقصة غـرام فـي خفوقـي طريفـه
ما عاد فيني صبر والصبـر ماعيـف=مغـرم وذايـب فـي عيـون عفيفـه
ابدي وعدي فـي طـوال المشاريـف=اللـي علـى غيـر النـداوي كليفـه
وقول بعـد الهـم رحمـه وتخفيـف=واجر صـوت مـن حليـف لحليفـه
واطا الخطر ورسي على شاطي السيف=وداوي جـروح الطعـون العنيـفـه
حب الشرف يثمر مع الوقت تشريـف=ولا الـردى مالـي بسوقـه وضيفـه
نسمة غـلاك تلطـف الجـو تلطيـف=برق سـرى يطـرب فـوادي رفيفـه
عجزت لحصي فيك كـل التواصيـف=يا الماسه اللـي فـي يديـن الخليفـه
مصيونت عـن عاتيـات العواصيـف=في جـوف زهريـه وقطـن وقطيفـه

عبيد ابو شيبه



ياوجودي وجد من طاوله شــره = كل يوم محــــولينه على مداوي
كل ماجابوله علاج ماســــــــره = يختلف وضعه يلاقيل متشــاوي
اخر دروبه على ذعار والحــره = جرته سارح على جرته ضاوي
ماعطاه الا من الصبر والمـره = والكوايا الحاميه ذيبها عــــاوي
سبة اللي كل ماجيــــــت بامـره = اعترضلي دونها واحدٍ غــــاوي
يتبع الغرات ويقصص الجــره = ويتلوا دونــــــــها جعله اللاوي
ياعلي باشكيلك الوجد والحــره = كان عندك حيلةٍ تشبع الطــاوي
انبلشنا وانت شرواك ماغــــره = الهنوف اللي على شوفـها ناوي
درةٍ مابعــــــــدها ياعلـــي دره = اشهد انها تجرح القلب وتــداوي
كل ماتأقف على البــــاب مفتره = ياعذابي لا طرق عودها الراوي
وان تحاكت تنزع القلب وتجره = والله اني طحت ياخوك متسـاوي
عوضه الغامدي


هـمه انـه لابـغـاني اشـحن الهاتـف والـبي =ولا تعذرت برصيدي يقلب الدنيا دخيله
وش اسوي اعشقه واموت باخلاقه وربي =صار عندي امر صوتي لانده كلي اجيله
فوق كل ذنوبي اللي لازمتني صار ذنـبي =لين شفته نار كـبرى يحتوينـي في مـليله
والمـصيـبه لا بغيت اعـاتـبه يقـول سبي =يرمي اوراق الحوار وينفض بوجهي شليله
قـربـي يمي وخلـك مثل ريح الـليل هبي =دمري كل الـحواجـز واعطي التـاريخ ليله
ون بغـيتـيها ليـالي العـبي فـيني وشبي =خلي اللي ماتـقهـوى من حـلاك يطيح حيله
كان ذوقي ماعجب كيفك على مركاي طبي =عدلي دلة مشـاعـر وانتي تكـونـين هـيلـه
أمسك الفنجال وانتي امسكي الدله وصبي =أرشفي طعم المرار الين ماجسمك يشـيله
تحلفين وقلتي انك يازهـات النـاس حـبي =كل مافيني مـطر لاشـافـك يـدور مـسيـله
احتضر باقصى عيونك واعرف اش فيها تخبي =آخذ اطعم ماحوت واخلي الباقي جميله
صرت لي مثل الكفيل يدور عيوب المربي =وصرت انا مثل المربي همه يريح كفيله
سمية الظبي

[عبدالله المشعلي]

قصائد نجوم المرقاب

لشهر " جمادى الآخرة " عام 1431هـ





يا ليتـنـي بـاقـي مــع الـنــاس درويـــش=والا صـــغـــيـــرٍ مــا يــحـــســـب حــصــيـــلـــه
فــي غفـلـةٍ ما حـيـش قـلـبـي ولا نـيــش=جـاهـل وطــاروق الـهـوى ما نتـحـي لـــه
مـا هـمــنــي راع الــثــمـــان الــرواهــيـــش=الـــلـــي يـسـلــهــم بـالـعــيــون الـكـحـيــلــه
الـلــي غـلاهــا فـتــش الـقـلــب تـفـتـيـش=تـفـتــيــش ورعٍ فـــــــي دفـــاتــــر زمــيــلـــه
بـاقـي علـيـه مــن الجـهـالـه نـواغـيـش=روّح دفــــاتــــر صــاحـــبـــه حـنـضـلــيــلــه
الجادل اللي فاختت بي عن الجيش=والــلـــي تــوهـــق بالــهـــوى عـزتـي لــه
خلـتـنـي اهـاجــر مـــع الـقــوم واعـيــش=وخـلـتـنـي انــســـى عــزوتـــي والـقـبـيـلـه
خمـس سـنـواتٍ عـايـشٍ بالبخاشـيـش=عـــلــــى اللهاوي والـمــصــالــح قـلــيــلــه
لا هـــــي بـعــيــد وجــايـــزه لـلـمـطـاريـش=اركـــــب جـــــوادي والــطــراشــه جـمـيــلــه
وانخى بني عمـي وسـاع المناطيـش=الـــلـــي تـــزبـــن جـــالـــيٍ مــــــن عـمـيــلــه
" غـامـد " اليا قـلــت افـزعــوا يا مـداغـيـش=مـا فــيــه حــاجـــه عــنــدهــم مـسـتـحـيـلـه
و لاهــي قـريــبٍ للـطـمـع والمـنـاويـش=واشـوف ـلــي بــيـــن الــوســايــل وســيــلــه
الــيــا طـلـبـتــه حــاجـــةٍ قـــــال مـافــيــش=اصــبـــر لـعــلــه يـصــفــي الــجـــو لـيــلــه
ودايــم عـلـى جــو المحبـيـن تشـويـش=وانـــــــــا وخــــلـــــي ســالــفــتــنــا طـــويـــلــــه
عوضه الغامدي


بسم الله أبدا و انتهـي باسمـه إلـه العالميـن=الواحد اللي نرتجي عفـوه و مطلبنـا رضـاه
يا مالك الأملاك يالوهّاب ذُو العرش المكيـن=الخالق الرزاق كل الخلق تسعـى فـي رجـاه
مجري الرياح و محيي الموتـى مـلاذ الخائفيـن=سامع دبيب النمل فوق الصخر في سابع سماه
سبحان ربي عد ما طافـوا جمـوع الطائفيـن=سبحان ربي عد ما يُرمى على الجمرة حصـاه
نطلبك يا رب البشر تغفـر ذنـوب المذنبيـن=و انت الغفور اللي هدى المسلم و يغفر له خطاه
ندعيك ياربي و نرفع لك من الحاجـة يديـن=و لا خاب مخلوق ٍ رفع كفيه يدعي لك دعـاه
دنيا تدور و تمضي الأيـام و تـدور السنيـن=دوراتها لن جيت أوصفها كمـا دور الرحـاه
فيها الفتن قامت تهاوى من يسار و مـن يميـن=و فيها المعاصي ترتكب يالله طلبنـاك النجـاه
ما عا أحد يقدر يميّز و التبـس شـك بيقيـن=و كل ٍ على كيفه تبع كيفه و لا يعصي هـواه
يشعب ذلوله في دروب الغي و ابليس اللعيـن=درب ٍ يحبّه فالبدايـة و النـدم فـي منتهـاه
هاذي دروب الهم و الذلـة دروب الضايعيـن=اليا مشى خطوة بها يرجع ميـه خطـوة وراه
و لا صار ودّك تخزي الشيطان و ترده حزيـن=أقرا عليه الفاتحـة و الذكـر و أسمـاء الإلـه
يا رب تكفينا و تحمينـا بلطفـك يـا مُعيـن=في وقتنا صار البلا موجود فـي كـل اتجـاه
هذا زمـان العولمـه هـذا زمـان الغافليـن=هذا زمانٍ ما عرفنا شكل وجهـه مـن قفـاه
هذا زمان ٍ يخلف عقـول الرجـال العاقليـن=اللي من أول لازم ٍ عقله و لا يبـدي خفـاه
لا عدت يا وقت ٍ علينا تشهر السيف السنيـن=دقْت طبول الحرب بيامك و بليالـك غـزاه
و اللي سلم من وقته الدامي به إحدى حاجتين=يعرج و جرحه من سيوف الوقت ما يلقى دواه
اليوم نخشى لا يبـدل ديـن هادينـا بديـن=دين الرسول الهاشمي عليـه موفـور الصـلاه
يمسي بها المسلم و يحسب من عداد المسلميـن=و يصبح بها كافر و يحسب من جبابير العصـاه
و إن كان ما نبقى على هدي الرجال الأوليـن=نبقى بلا قيمة و أشوف الموت خير من الحيـاه
رايد الجعيد

الله من قلـب(ن) همومـه تدكَـه =دك القنابـل للحصـون المنيـعـة
في كل ليلٍ ماحصـل يـوم فكَـة !!=الحرب نكبة .. والمجـازر شنيعـة
والصدَ باب العشق من عـام صكَـه=صكَ الصواعق للسلوك الرفيعـة !!
من يوم دهوَر باهـي الجيـد شكَـه=وانهى وصاله // واحتزم للقطيعـة
في الكبد حرقة .. والصدر فيه تكَـه=واليوم ضاقتبـي حـدود الوسيعـة
لكنَ يبقـى العـزَ مملـوك صكَـه=في النَفس : دام الروح تملك شريعة
واللاش تحت آحكام الاهمـال ذكَـه=راع الدفوف اللي تدق الذريعـة !!
ومن يعرك اعيونه على كـل حكَـه=طبيعته يا شينهـا مـن طبيعـة !!
هذاك يـا جـزل الطواريـق ركَـه=على شداد : ( اليافعة والرضيعـة )
وسيع عين .. وخيط الابره يشكَه !!=يكرف يدينـه// والمكايـن سريعـة
قلتـه وراع الطيـب للقـوم زكَـه=لو هو ما بين : القاعدة والطليعة !!
هزاع العتيبي

[عبدالله المشعلي]

قصائد نجوم المرقاب

لشهر " رجب " عام 1431هـ




الاياوجودي وجد مـن لاعتـه دنيـاه=وهو فـي ربيعـه عايـشٍ ماتوقعهـا
مغفلته الدنيـا وعايـش علـى ليـلاه=حياتـه مدللتـه ونفـسـه مدلعـهـا
وصل للثريا وارتفع لين لحـق امنـاه=حظيظ وسعيـد وضحكتـه ماتصنعهـا
ودارت به الدنيا علـى غفلتـه عـزاه=وبارت وجارت وأسقته مـن مواجعهـا
تصوعه بلى رحمه من أدناه لين أقصاه=تحامت عليـه وماقـدر فـي زوابعهـا
تردّت عْزومه وانتهـى ماقـوى بلـواه=ولاعه زمانـه ليـن فاخـت مرابعهـا
على حاجةٍ في خاطري ذكرها م/أقـواه=يتمتم بهـا لسانـي ولاهـوب ذايعهـا
أهوجس بها وأكتب هوى خاطري وأقراه=وأطفي شموعي في ضميري واولّعهـا
تمنيتها وبعض التمنـي علـى عميـاه=يثير النفوس اللي شقى الوقت لايعهـا
شكيت وبكيت وخاطـري فيـه ماكفـاه=لاني بشر واصل البشـر ذي طبايعهـا
تشكّى ولو ماينفـع الوجـد والمشكـاه=ولكن على الله بعض الاحيـان ينفعهـا
على الله يفيد الوجد لو ماظهـر معنـاه=وعلى الله فياحي نجد تنبـت مراتعهـا!
شاعرة نجد



يا طيب من ياقف على خير ميقاف=ويبدي برايه بين حاضر وماضي
ياخذ كلامٍ معتبر ما به اجحاف=ويقطع على نفسه اعهودٍ غلاظي
نطقه ذهب ما يصرفه كل صراف=ولا سمع في قولٍ مع الناس فاضي
الفرق بين الناس بالعين ينشاف=فرقٍ كبير ولا عليه اعتراضي
تفاوت اعقولٍ ثقيلات واخفاف=وكلٍ بعقله مثل ما قيل راضي
احدٍ يحب الطيب ويحب الانصاف =ولا هو عن احقوق الرجال امتغاضي
مثل الجمل يملك قويات الاوصاف=حمله يشيله لو يصير امتجاضي
عاش الحياة امحققٍ كل الأهداف=ما زعزعوه أهل القلوب المراضي
واحدٍ تصانيفه مع الناس تنعاف=في كل موضوعٍ مع الناس خاضي
عقله مع العالم تقل فيه خفخاف=وإلى نهيته قال خلك رياضي
الله لا يبلاك في بعض الاصناف=معهم يضيع الطيب ما يستعاضي
أحمد الحمد



مـن علمـك تعصـى بعـد كنـت مـطـواع=ومـــن عـلـمـك حـتــى فـنــون التـغـلـي
مــا ودي اخـسـف بــك واوديــك للـقـاع=تــرى قـلــوب الـنــاس مـاهــي تـسـلـي
إن كــان تبـغـى بالشريـعـه والإجـمــاع=هـذا خـطـا منـكـم وعـانـه حـصـل لــي
وان كـــان تبـغـاهـا سـوالـيـف مـلـتــاع=وين انت عنـي غبـت يـا طيـر يـا اللـي
كم لي وانا اشكي منك من كثر الاوجاع=انـــا طلـبـتـك حــــط نـفـســك مـحـلــي
ارحـــم تـــرى راع المحـبـيـن جـــزّاع=ان كـــان ولـيـنــك تــصــوم وتـصـلــي
راع الهـوى ذكـره مـا بيـن العـرب ذاع=احـد(ن) يــرد الـقـول واحــد(ن) يهـلـي
واحـد(ن) يقـول انـا نصحتـه ولا طــاع=واحــد(ن) يـقـول ارتــاح خـلـه يـولــي
مـا عـاد نقبـل مــدة انـصـاص واربــاع= امـــايـجــي كـلــه وانـــا جـيــه كــلــي
من راح من ساعه تركناه من ساع= لو كان صاحب صحبته ما تملي
صالح الأزوري

[عبدالله المشعلي]

قصائد نجوم المرقاب

لشهر " شعبان " عام 1431هـ






لا تفرح إن الوقـت أسعدك واعطاك=لابــد مـا ســود اللـــــــيالي تبكيـــك
دنــــــيا تقلـــب علــها مـــاتــولاك=تمسي عزيز وتصبح من الصعاليك
إلى اقبلت تخفي عيوبك عن اعداك=وإلى ادبرت تظهـر عيوبك لاهاليـك
اغنم من أيام الدهر كانه امداك=قبل اللحد عن ظاهر الارض يخفيك
وترى التشكي يجعل الخلق تشــــــنـاك=يحط من قدرك ويفـرح امــعــاديـك
وكـثر التـشره يجعـل الناس تجـفاك=ولا عــاد تلـقى بيـنهـم من يخـاويك
ولا تمادى في زعل من ترضــــاك=مادام جاء عاني على شأن يرضيك
ولا تخــاوي من على ابوه بـــــداك=هذاك وان طال الزمان يغدر فـيـــك
والـجـاهل احـذر لاتجـادلـه يـبلاك=في كـلـمة بين الـمخاليـق تعـمـيــك
والهرجه العوجا لو انها تنصــــاك=حـاول تجـاهـلهـا وخــلها تـعـديـــك
ولا تخـيـب هـقـوت اللي تـهـقـــواك=مادام جاء بين المخاليق ناصيـــــك
واحـذر تـهـزا يـافـتـى بخلق مولاك=تـشـوفـها باقـرب قـريـبٍ يوالـيـــك
ولا تفرح بزودٍ على الحق وان جاك=زودك ترى نقصٍ على حق ذوليـك
وخل القناعه ميزةٍ من مزايـــــــاك=مـع الـقـناعـه كــل شـيٍ يـكـفـيـــك
وان جت لك الدنيا على غير مشهاك=اصبر ترى بالصبر تدرك امانيـك
ولا تأمـن الدنيــا تـرى الوقـت فتــاك=لاجا القـدر كثـر الحـذر ما ينجيـــك


احمد العريفي



ما كِدتُ أَجمَعُ في الهـَوَى أشلائـِي = إلا تـَشَتـَّتَ مِـن هَـوَى السَّمراءِ
( سَمرَاءُ ) في عيني وروحي قد سَمَت = تسمو إلى العلياءِ وهِيَ سَمَائِي
لو شـَاوَرَتَ بـِالكفِّ لِلجَوزا دَنَت = في طوعِهَا تدنو سَمَا الجوزاءِ
وكأنَّها غُصنٌ مِـنَ البانِ ارتوى = في دوحةٍ جذَّابةٍ غَنـَّاءِ
فيها من القمرِ الـمُـنِـيرِ صَفاؤُهُ = في ليلةٍ قـَرَويَّـةٍ قمراءِ
تلهُو بقلبي ؛ أينما تمشِي مـَشَى = في بحرِ عينيها بريقُ دوائي
من جمرتيها سَالَ شَهدُ رَحِيقِها = ومِنَ العجيبِ تناقـُضُ الأشياءِ
إن قلتُ : ياوردَ الحدائقِ مَن لَنـَا ؟ = قالت : وهل يُـغنِيـكَ دربُ عنائِي ؟!
إن كنتَ تجهلُ في البحورِ وَعَومِها = لملِم جُروحَكَ واغتنِم بَيدَائِي
إنَّ البُحُورَ إذا أتاها جاهلٌ = تطويهِ تحتَ غياهِبِ الظلماءِ
فَرَحلتُ أنزِفُ أدمُعًا مُهرَاقَةً = وَوَريدُ قلبي وَاقٍفٌ بِدِمَائِي
فَوَدِدتُ عُمرِي في الحَياةِ سُوَيعَةً = أقضِيهِ وَقـتَ لـِقـَائِهَا ولـِقـَائِي
لاخَيرَ فِي عَيشِ الحَياةِ بِـدِونـِهـَا = فَهـِيَ الحَياةُ ، تـَنـَفـُّسِي وَغـِذَائِـي

عويد الشهراني




جود الزمان وشح منتوج الأفكار = ساعد نظام العولمه للتعري
وضعف الشيوخ اللي عليها الفلك دار = نشط دعاة العلمنه بالتجري
حرم حلال وجاز تحليل الأضرار= علمٍ يهول ونفعته ما تسري
والغيره اللي كنها شعلة النار =رمد حطبها من يدين المذري
حتى الهنوف اللي نبى صوتها عار = يسلب حياها نور نجمٍ مسري
مات الشجيع اللي على قب الامهار = خلى الدويني في زمانه مضري
واللي عليهم يثبت الموقف الحار = راحوا ضحايا مهتوين التحري
حق الخوي والضيف والعود والجار = حطوا لها مخرج طواري وسري
كل السلوم اللي لها عندنا كار= غيب عليها وقتنا بالتزري
حتى الضرير اللي فقد شوف الابصار =معاد وده بالنظر يستقري
بيت الشرف والعز يناس منهار= خيم عليه القصف جوي وبري
حطم زوايا البيت والناس الا خيار=واللي بقى منزوع منه التمري
حب وغرام وعشقةٍ كلها اسرار=علاقةٍ فيها النسب ما يمري
ماهي على شرع الله النافع الضار= فيها من علوم الدنس والتهري
وقت يخلي صاحي الفكر محتار= بين الحياه وبين موت التبري
جعل الزمان اللي قطع صوت الاحرار =يقطع حياة اهل الردى والتعري


صنت البدراني

[عبدالله المشعلي]

قصائد نجوم المرقاب

لشهر " رمضان " عام 1431هـ






يالله يالله يا عالم خوافيها = يا خالق الكون والدنيا ومافيها
أنت الكريم الذي نرجيه وانساله= خلاق الأنفس ورازقها ومحصيها
وأنت الذي عن عبادك تفرج الشدّه=يا باسط الأرض ومثبّت رواسيها
ما غيرك احدٍ يفرّج كربة الضايق=لا صارت النفس كاثرةٍ شكاويها
يا منزل النور والرحمن والتوبه= ومصخّر النود تجري في مجاريها
أنت الذي تستجيب لدعوة الداعي=وجميع الأنفس بما تعمل تجازيها
أدعيك وارجي ثوابك وارتجي مَدّك=وارجيك نفسي لدرب الخير تهديها
أقولها من ضميرا دكّ هوجاسه = دكّة ورودٍ لهيب القيض حاديها
وأسباب ما هاض ما بي واثّر اشجوني= وخلاني اظهر همومٍ كُنت كانيها
صروف وقتٍ تحد ّتني وحدّ تني=تحيّر الفكر تتعب من يناحيها
ناحيتها لين زاد الصبر عن حدّه= واليوم ماعاد عندي قُدرةٍ فيها
دنيا الشقا ما عرفت لوجهها سيره= عجزت منها وتفسيرٍ غطاويها
يغتر فيها هبيل الرائي ما يدري=يمضي به العمر ما يحسب قوافيها
يمضي به العمر عن ليّام في غفله= ما همّه الا طمع دنيا ٍيحاتيها
فيا شاقي في شقا دنياك متعنّي= في جمع الأموال نفسك لا تعنيها
والله لو يبلغ أعنان السماء مالك= وتدين لك لرض قاصيها ودانيها
ما ينثني عنك ديّانك ولا يمهل= لك لو دقيقه ورا عمرك تقضّيها
و لوكان تركض نهار وليل ما تاخذ= كفّك سوا ما كتب لك عند واليها
الله هو اللي يهيي الرزق لعباده=ما قدّر الله لنفس العبد يأتيها
لموال تجمع وتنفق عند واجبها= ما هيب تكنز لمنّه بان باديها
يُكرم بها الضيف والمحتاج والعاني = واليا بدت حاجة للنفس تقضيها
ومالٍ يقصّر عن اللي قلت لَعلّه= يذهب ذهاب الرياح بحكم منشيها
خذ ما تيسر بدنياك وتمّتع به=لا خير في تجرةٍ همٍ لراعيها
تجارةٍ كسب راعيها العنا منها=لا خير فيها ولا فاللي سعى فيها
فلا تقضي العمر في طردٍ ورا الدنيا= تفنيك والنفس ما نالت تمانيها
دنيا الفنا كل ما يوجد بها فاني = ما فيه شيء يقال مخلدٍ فيها
فلا تنخدع في تشبرقها وزينتها= لو تبتسم لك وتصفي لك لياليها
لوهي صفت لك تحذّر من تقلبها= المال والجاه ما تدفع بلاويها
وليّام لو زينت لك زينها زائل=كم واحدٍ كدّرت له عقب صافيها
وكم واحدٍ قد شكا منها وميلتها= ذاق المرارة بعد ما ذاق حاليها...
فبنصحك ياللي تحب النصح وتريده= نصيحةٍ من صميم القلب نهديها
للي ليا سمع معناها تشوق له= وتجنّب اللي مصدٍ عن معانيها
بأنصحك لا تجعل الدنيا كُبّر همّك =لرزاق من عند ماخذها ومعطيها
ووحّد إلَهك وصل وصوم واسجد له=وزكاة مالك وحجّك لا تخليها
وأحفظ لسانك عن الزلات والغيبه= وسيطر على النفس لا تتبع معاصيها
والطاعه الوالدينك فرضها واجب=يفوز بالخير منهو يجتهد فيها
سر في رضاهم وحاول تكسب أرضاهم= تكسب به أرضا إله العرش بانيها
يبارك الله في حالك وفي مالك=ويفتح لك الرزق من شتّى نواحيها
وأهل الفساد ابتعد عنهم وجنّبهم= جنّب جميع الدروب اللي مشوا فيها
وأختر لنفسك بدربك من ترافقهم=أعرف رفاقك قبل تمشي مماشيها
من سار في صف قومٍ طاع ملتهم=فخلك بعيدٍ عن الحمى وأهاليها
والشجره اللي جناها المر جنّبها = خلك بوادي وهي خلها بواديها
وأن جاك طلاّب حقٍ وفّـّه حقوقه= في مثل حقك حقوق الناس توفيها
وان صابك الحق وقّف له ولا تجزع =واركن على اللي يعدّلها ويسويها
ما ينكر الحق رجلٍ يعتبر عاقل=العاقل اللي خصيم النفس قاضيها
خصيم نفسه قبل غيره يخاصمها= وعن ما يدنّس مقام النفس يبريها
ولا تأخذ الا برأي مجربٍ عارف = رائيه يبيّن خطاها من قواديها
ومن لاستشاروك لا تأخذ مشورتهم=ولا تدّخل بين بائعها وشاريها
من يغتني عن وجودك عنه لا تنشد= والمقفيه عنك لا تركض باثاريها
ومن لا يقدّرك ليه تقوم في قدره؟= ترى الرجاجيل تجزا فعل أياديها
فأحذر عدوٍ يغرّك منطق السانه= يظهر لك الود واضغانه يخبيها
يضحك لك ان جيت وان اقفيت يغتابك= نفسه على الزور والنمّه مربيها
وتقول هذا صديقٍ مخلصٍ صادق= من دونه الروح ترخصها وترميها
مطبقٍ للمثل في قصة الطارش=(المزودة فوق كتفه والحنش فيها)
ولا يغرك صديقٍ ٍ يمتدح تَوّك=على الفراغات يبعدها ويدنيها
وان حدّك الوقت واحتجته هرب واقفا=عاف الصداقه وهو بالامس يبغيها
هذاك خلّه يولي وابتعد عنّه =والنفس عن صحبة أمثاله تعدّيها
صديقك اللي معك فاللين والشدّه=نار الشدائد اليا شبّت يصاليها
والا الردي ما يسرك لا بدا الازم= والمرجله لا بدت له ما شقا فيها
درب المراجل يكوده باردٍ حيله=روحه عسى قاطف الأرواح يأتيها
شدائد الوقت تكشف لك عن الخافي =تظهر لك أسرار بيّنها وغابيها
تظهر لك المعدن المخلوط والصافي=ونزيح عنها غطاها اللي يغطيها
فلا ترجي النفع من لا ينتفع منّه=خله ونفسك إله الخلق يغنيها
وأختامها مثل ما قلنا بمبداها=واختم بذكر الولي عالم خوافيها

عبدالهادي سعيد المسعودي



يستثار الشعر والمارد يفيق = بوح روح وغيض في رحلة فكر
ابني الاهرام بأحجار العقيق = واختصر كل المعاجم في سطر
ان سبقني بالجنون ابن زريق = اختلفنا بالزمان وبالسفر
كنت امارس حق قانون الرقيق = للهقاوي لين صارت في خطر
كان انا قلت آه من جرحً عميق = اعذروني سلّم الله من عذر
كان همي عبد0 قولو له عتيق = معتقه ما ابيه جيّاب السهر
حايراً مذهول في وادي سحيق = للسباع وللكواسر فيه اثر
في مضارب غربتي ضاع الطريق = داهمه ريح البوارح واندثر
لا طريق ولا صديق ولا رفيق = ما سوى اعجاز النخل بأرضً قفر
من يقول الارض بأبنادم تضيق = لين صارت دار حبس و لا مفر
علقم الايام بأكواب الرحيق = يمنح الانسان تصميم وصبر
اكفخ الجنحان يالحر الطليق = الليالي كلّها درس وعبر
ماشيً واسمع على الشجره نعيق = تكثر الغربان بأغصان الشجر
كل حرّاً ماعشق قمة طويق = والله انه خاب لو عاش الدهر
قال واحد كان لي مجداً عريق = قلت كان وكان ميّت في قبر
يا ضعيف العزم والناصح شفيق = خل قلبك مثل جلمود الصخر
تخدع الابصار يالغصن الوريق = ما دريت انك ضريع بلا ثمر
موتة الهقوه بصدّه من صديق = طعنة الايام غدراً بالظهر
قلبي اللي حمّله مالا يطيق = حظي العاثر غرابيل وكدر
ليه سلمى ما تنزّل للعشيق = لو تكون الروح لرضاها مهر
صابراً والجوف به جمر الحريق = جعل جمر الجوف يطفيه المطر
أتعلق بالسبب مثل الغريق = مؤمناً بالله وأحوال القدر

عبدالله الشمري



عيوني ما بقى للدمع داعي=نثرتي الدمع نايم كيف واعي
جرحتي بالبكا ياعين خدّي=ولا فادت دموعك بإلتياعي
تصافق بالخفوق أمواج حزني=رسول الهم بالهاجوس ساعي
أردّ الدمع يوم أقبل عليّه=قوي العزم لين العزم ضاعي
تعانق عبرتي هي والنصايح=وقلبي من ورا الأضلاع زاعي
عليك الله ُ أكبر يا عزومي=خذلتيني وحطّمتي شراعي
أنا لي هيبتي قبل انتخي بك=عصيّ الدمع في يوم الوداعي
وأشوف الحال مني صار واهن=فقدت العزم حتى من ذراعي
شكيت الحال والحالة إلى الله=قريب ٍ مستجيب لكلّ داعي
يخفّف ما خفى وسط الحنايا=وضيق الصدر ي يبدله إتساعي
ألا يا رب وارحم من فقدّته=ضعيف ٍ جاك ما يحمل متاعي
زهد بالمال مرضي والدينه=يطيع الكلّ قدر المستطاعي
إلهي جازه بجزل العطايا=وبدل ضيق لحده بالوساعي
ألا يا وجد حالي يوم شفته=وريح السدر بالأكفان فاعي
وش بيدّي سوى دمعي وضمّه=وأتمتم بالدّعا والكل ناعي
ألا يا قلب صبرك واتكالك=بدمّك خطّت همومي يراعي
وألا يا عين بالعبرات شحّي=كفى يا عين ما للدمع داعي

عبدالله العويضه

[هجاد المطيري]

قصائد نجوم المرقاب

لشهر " شوال " عام 1431هـ




يأهل الركايب سايجات المحاقيب = عوص النضا الطفقات شهب الغوارب
بنات شقران الفحل شمّخً نيب = فيهن لقطّاع الفيافي مآرب
بأخفافهن يوم استقلّن جناديب = يقدح حصا الصلبوخ قدح الكهارب
بنحورهن يطون فجوج العباعيب = على سراب القيض مثل القوارب
انتم لمثلي يالنشامى مناديب = قولو لحيًّ في هذيك المضارب
داعيك ساري ليل يلعب به الريب = والدرب تكثر به جحور العقارب
هموم بقعا حول قلبي محاضيب = والكيف من كثر الصواديف خارب
اصبر على الرمضا و حر اللواهيب = لعلّي اظفر بأستراحة محارب
ان جيت للمجلس ولا فيه ترحيب = اشوم عنه و وجه راعيه تارب
بانت خفايا الوقت والمخطي مصيب = يكفي عن الهرج الكثير التجارب
من كثّر الاعذار دون المواجيب = يلبس ثياب اللوم واللوم ذارب
والثعلب الماكر خذا مركز الذيب = والذيب عن بعض المشاريه هارب
من رافق الصاحي ترفّع عن العيب = و من رافق الاجرب بلا شك جارب
شكواك للي ما يسرّك ولا يثيب = دمعة يتيماً بين ظلاّم اقارب
يامدّعين الطيب ما حولكم طيب = ان كان ما توفون فتل الشوارب


عبدالله الشمري



طوّل غيابك وانت عني تورّاا=ابطيت عنّي وانتظاري عقوبه
أعد ساعات الزمن وآتحرّاا=وااقول ياربي تسهل دروبه
وطالت مواعيدك ولامنك بِرّاا=واشغلت فكري فيك نوبه ونوبه
غيبتك نار ولهفتي منك حرّاا=مابين حر ونار مابه مثوبه!!
خلاص يكفي خافقي منك مُرّاا=ترى الوعد عهدٍ ولافيه حوبه
خيرك رجيته واتقي منك شرّاا=والبعد ذنبٍ غير مامنك توبه
تجر قلبي من عراويه جرّاا=وتقول عادي0يستر الجرح ثوبه
ماعاد غير امشي وعنك اتدرّاا=اخاف جرحك والرجال امحسوبه
يابارق الغيمه وياعين حُرّاا=لا يابعد من حاز كل العذوبه
تكفى كفايه 0وانتبه لا تجرّاا=على الغياب اللي ذبحني هبوبه

عويد الشهراني



البعـد قطـاع القلـوب الموالـيـف =كم من وليفـآ يقطعـه مـن وليفـه
اقوى على المشتاق من ضربه السيف= واشد من ضـرب الهـدف بالقذيفـه
هذي ثمان سنين ماجت علـى الكيـف =وصكـات وقتـي ماتجينـي خفيفـه
اصبـر وأكابر والليالـي مناكيـف= واشـد متنـي لـلامـور الكليـفـه
اسلـي الخاطـر بكثـر المحاريـف =وانـا همومـي كالجبـال المنيـفـه
أقول بكرة تنجلـي غيمـه الصيـف= وليـن زاد الوقـت وازداد صيـفـه
سويت في بعض الرجـال المعاريـف= ولين اني أعطيها القلـوب الكفيفـه
دنيـا تقلبـنـا بحدب(ن)مراهـيـف =وليـا لقـت همـآ لهمـي تضيفـه
من أولن حالـي علـى خيـر ونحيـف= واليـوم ما باقـي يكـود النصيـفـه
لا نوم يهنانـي ولا ابغـى سواليـف= الأرض فـي عينـي تعـود قصيفـه
أسباع وقتـي كلبوهـا ملاهـيـف=ما تنومـن لـو النـوايـا شريـفـه
ولو ما أسوق الرجل روس المشاريف=يمدي أنكتب اسمي مع اهل الصحيفه
أما عليـه يزعجـون الغطـاريـف=ولا الدمـوع تـرج وادي حنيـفـه
خلاص يا وقتي لو انك كمـا السيـف=اطعن شجاعـآ طعنتـه مـن رديفـه
هذا الزمن ما عـاد يحتـاج توصيـف=أحيان أورى فيـه وأحيانن اعيفـه
ياهم خلك في حشـا خافقـي ضيـف=والضيف دايم تحـت دبـرة مضيفـه


محمد الحارثي

[هجاد المطيري]

قصائد نجوم المرقاب

لشهر " ذو القعده" عام 1431هـ




صرم حالي صرم منهو على موته قدم=حدته سود الليالي وهو مطلـوب ثـار
وياوجودي وجد منهو بلا ساق وقـدم=قطعت الرجلين منـه وهقواتـه كبـار
طـاع تقريـر الأطبـاء ولأكنـه نـدم=وأصبحت نفسيته من دمار ٍ في دمـار
من كثر ما يشرب المر صايبه السـدم=الصبر علقم وجرحه ما يلقى له غيـار
شاب رأسه يبني أمال والوقـت يهـدم=والفقر خيم بـداره وبزرانـه صغـار
يزرع الفرحة للأطفال من عيشة عـدم=ذا يبي لعبه والأخر على نفس المسار
يبني أحلامـه ببكـرة ولكنـه أنصـدم=يوم شاف أحلام الأطفال طوقها الحصار
فالزمان اللي يعامل هل الحاجـة خـدم=يسلب الضحكة ويعطي ثمنهـا للكبـار
والوجيه اللي تخفت بها الـدم انعـدم=لن بعضها يمكن يحل ويصـدر قـرار
ذا وجودي بعد حلـم ٍ بنيتـه وأنهـدم=يوم غاب اللي من أجله كفخ قلبي وطار


مهدي الاحبابي



ظلمني الحـظ الـردي واجتاحنـي دمـع الـوداع=غمضت عيني لين جفني ذاب مـن حـر الدمـوع
جبرنـي الوقـت اللئيـم بحمـل مـا لا يستطـاع=ومشّى القدم غصب(ن) علي لدرب ما حوله رجوع
ما اقسى من دموع الكبيـر الا دموعـك يالشجـاع=تبقـى تكابـر دمعتـك حتـى تسلّـم للخـضـوع
وانا لو اني في بعـض لاحيـان قاسـي فالطبـاع=الا ان مالي حيلتن فاللـي بكـى وسـط الضلـوع
ظيم القلـوب و ويلهـا لتفارقـت عقـب اجتمـاع=يبكي عليها ميـت الأحسـاس ويعـاف الجمـوع
الله يـا قـرد البخـت والله يـا ضيـق الوسـاع=والله ياحـزن اللـقـاء والله يالفـرقـى تـلـوع
نفس المكان اللـي ألتقينـا فيـه طوّيّـت الشـراع=وقبّلت عينـه والدمـوع تهلّهـا مـن كـل نـوع
اخفيت حزني وابتسمت وقلـت مـال الدمـع داع=ذي حكمـة الدنيـا علينـا والغنـي قلبـاً قنـوع
يبقى غلاك ولا يجليه المفارق والضياع =وابقي على خبري ولاتطفين للفرحه شموع
وقفيـت للمجهـول والرحلـه غيـاب وأنقـطـاع=هذي تفاصيل الوداع اللـي حصـل يـوم الربـوع


هجاد المطيري



احسبن قلبي ترفع عـن دروب الغـرام=شام عن جملة طروق الغـرام وعافهـا
ورجعتي طفلـة مـن رفيعيـن المقـام=الحـلا بعيونهـا والفخـر لاسلافـهـا
من نظرهـا ماتلفـت لربـات الوشـام=ماتلفـت للبنـي لـو تشيـل غدافهـا
الغزال اللي هواهـا تخلخـل بالعظـام=اشغلت فكر المشقـى وهـو ماشافهـا
وجالها بالقلب قسمة وحشمة واحتـرام=ثم صار اعلى المشاريف هو مشرافهـا
احدثت بالقلب ثورة غلا مـدري هيـام=لين صرت ارسم بفكري جميع اطيافهـا
ويوم شفت العين والرمش ضيعت الكلام=كـن بعيونـه جنـود تسـل اسيافهـا
شفت طله وجهه العذب واخطيت النظام=لابغيت انطق بجملـة نطقـت خلافهـا
لي ثلاث ايام والعين حاربهـا المنـام=لاغفت عيني تذكـرت زيـن اوصافهـا
بـس اردد ياسـلام وسـلام وياسـلام=كيف اجل لو بينت جسمهـا واطرافهـا
رمية من عينها كنهـا صـاروخ سـام=وجـه الـرادار نيرانـهـا لاهدافـهـا
رحت فيها تالي الوقـت مافيهـا كـلام=اشهد ان روحي من الحب جا قطافهـا



عبدالرحمن العريفي

[هجاد المطيري]

قصائد النجوميه لشهر .. ذو الحجه /1431..


انا يوم أسافر وأطوي البيد غرب وشرق=ويستاقني من خالي البال ماساقه

أخايل طيوفه كني اللي يخايل برق=شعته البروق وطول ليله على ساقه

قزى من منامه والجدى منه حرق وحرق=وكنه هدآ بعد الشفق بان باشراقه

ولكن جرحه نقضه نايحات الورق=على الصبح مال القلب في نوحها طاقه

حدتبه على طرق الهوى عقب خلى الطرق=وجاوب بصوتن بعد ماخربت أخلاقه

وحتى القلم جاوب ونزفه دموع ن زرق=ذرف لين حتى مدمعه غرّق اوراقه

وعقب السفر ياللأسف شفت مامن فرق=وحلو العنب مايمدحه غير من ذاقه

ورجم الهوى ماابيه وان كان تبغاه ارق=وانا اللي مراميعي على الصعب توّاقه

فلاعاد لي في طرقتن بين سرق ودرق=علاقه على التزوير ماتحسب اعلاقه

محمد الغزيلي


يا غالي ارسلك مع الموجه أبيات=أبيات تشكي من ظروف عنيده
ان كان تنوي البعد هيهات هيهات=لك مجلس فالقلب واللي تريده
وان كنت تنوي تقطع الوصل بالذات=مانيب من يمحى قديمه جديده
والصبر مفتاح الفرج والمسرات=لو الأمل ما عاد منه شريده
رجواي بالله والليالي مديدات=والياس ما يقتل قوي العقيده
يا من بعادك يحرق القلب باسكات=متى على الله ما خذيته تعيده
قصه طويله تختصر فالنهايات=وأنا حسبت أن المسافه بعيده
لي هقوة لا عاد راحت ولا جات=من بعد ما شفت الحياة النكيده
واليوم مني لك سلام وتحيات=توارت احلام الليال السعيده
لا عاد تلحقني عتاب وملامات=هذا جوابي في بيوت القصيده

النداويه


على لحن الطيور اللي تجر الصوت بالأغصان=على نسمة عبير النود لا هبت هبايبها



على جور الغياب اللي يزود علة الولهان=على حزن العيون اللي تمنت شوف غايبها



جمعت أحلى مشاعر خاطري من داخل الوجدان=وغنت لي مشاعر خاطري بأحلى حبايبها



ودونت القصيده و القصيده مالها عنوان=عناوين القصايد قدمها تدفع ضرايبها



و خليت القصيده تفتخر في وقفت القيفان=وصفيت المعاني و الحروف أقفت شوايبها



وغنيت القصيده والبحر يضرب على الجيلان=وعلى نور النجوم الساطعه سارت ركايبها

وخليت الوفاء نوراّ ينور سكة الهجران=وخليت الغلا و الشوق في مقدم كتايبها



وكفنت الجروح اللي منيتها من الحرمان=وخليت اللحد قلبي و من ضلعه نصايبها



على شان أجمل اللحظات ما يقفي بها النسيان=و تصبح ذكرياتي بين مخطيها وصايبها



جمعت الذكريات اللى لها في وسط قلبي شآن=و خليت الفرح ريس لها و الحزن نايبها

على شان أجمل اللحظات تقفي بأخر الاحزان = وتاخذني من الاحزان لا فلة ذوايبها

على جور الغياب اللي يزود علة الولهان=على حزن العيون اللي تمنت شوف غايبها

جمعت أحلى مشاعر خاطري من داخل الوجدان=وغنت لي مشاعر خاطري بأحلى حبايبها

محسن الهفتاء [/align]