ماهو شعورك اذا مارد احد على موضوعـــك . ..

[خالد الحافي]

تخيل نفسك جالس نص ساعه تفكر و تنمق الكلمات و تتاكد من المعلومات و تصيغ موضوع انت تعتقد انه رائع

وسيجد له صداه داخل المنتدى ولكن !!!

تتفاجأ بأن لااحد يرد على موضوعك ابدا .........

وكل يوم تقول بكرة يردون ولكن لاحياه لمن تنادي .

وبعد اسبوع تجد الزيارات 20 والردود 2 والا 1

ممكن تاخذون الموضوع بجديه وتقولون لي ايش هي مشاعركم ؟؟ وليه مايردون عليكم ؟؟

اتمنى المشاركه من الجميع <===الجميع طل :)

لامهوب الجميع يعني بعضكم

خخخخخخخ





الحافــــ خالــــــد ـــــــــي

[شـعـــاع]

راح ازعل

وبعدين اضرب عن الطعام والشراب

واذا شفت اي واحد جدامي اتهاوش معاه

واذا قالو ليش اقول محد رد على موضوعي

بس صج رفعت ضغط

مشكور اخوي خالد على المشاركه الحلوه

[خليك بالشارع]

أقول يمكن يخافون يردون على الموضوع :) .. حيث انهم يخافون يزلون بكلمة ركيكة أمام كاتب كبير مثل الي كتب الموضوع :) ..

أقول يمكنهم يكرهون كاتب الموضوع لأنه مسح فيهم البلاط في يوم من الأيام وهنا أعتقد أن كاتب الموضوع سيقول في قرارة نفسه .. على تبن :) ..

أقول يمكن استيعابهم للموضوع ما يسمح لهم يناقشون الموضوع أو يخوضون في غماره فيخافون أن يفتضحون من خلال الحوار والنقاش :) ..

العلاج انه ينزل نفس الموضوع في منتدى آخر أقوى وأكبر .. وإذا شاف ردود فعل مرضية من الأعضاء فليعلم بأن كلامه أعلاه حقيقة مرة :) ..

وهذا إذا كان فعلاً الموضوع متعوب عليه وموضوع قوي وجميل :) ..

مثبت للنقاش الجدي والهادف يالغالي .. يعني من وجهة نظري إذا كنت كاتب تسلح بالإيجابية والتفاؤل وخل راسك مرفوع واعلم ان ما كتبت لن يمحوه الزمان ولذلك لا تكتب شئ سوف تندم عليه في يوم من الأيام :) .. وطبعاً أنا رديت عليك بكل جدية بس بتلقائية وعفوية مبتعداً عن الرسميات والتصنع والتشنج :) ..

[خليك بالشارع]

أما إذا كان موضوعي مهوب متعوب عليه ..

فأقول يمكن الموضوع سخيف :) ..

أقول يمكن الموضوع ما لامس اهتماماتهم :) .. أقوم أبحث عن اهتماماتهم فألقاها ما لامست اهتماماتي :) ..

لأننا أيضاً لازم نحطلهم العذر مهوب بس نظلمهم بس نظلمهم :) .. تراهم حلوين طيبين وبنحبكن :) .. بس يبيلهم لمسة حنان :) .. وبصراحة منيب من النوع الي يهتم في كم واحد يرد على موضوعي .. أهم شي لو كان واحد بس رد على موضوعي .. يكفيني .. لأن الي بيفكر بهالطريقة .. والي هي أكتب بس محد يرد علي أو محد يقرالي هذا عمره ما راح يتطور وراح يحبط من أول الطريق وكلنا في بداياتنا محد قرالنا ومحدن رد علينا .. ولكننا لم نيأس لأنه حقيقة ما يهمنا بل الأهم عندنا هو شغفنا بالكتابة واقتناعنا بما نكتب حتى ولو كتبت لأقرأ ما كتبت لوحدي .. وصدقني كل ما تهربت من الشهرة والنجومية كل ما وجدت الشهرة والنجومية تركض وراك .. وتحس بانغثاث يومك تحس ان كل من يتابعك .. تخاف تغلط بكلمة وحدة بعد التميز فتفقد ثقلك ككاتب كان له وزنه فهي مسئولية بنت كلب ترى :) ..

أخوك خليك بالشارع

[Pearl Lover]

والله ياغالي موضوعك حلو ومهم للكل


وبصراحة أكثر


عني أنا لي حالتين..

الأولى.. إذا كنت ناقل الموضوع وما بذلت فيه أي جهد مثل بعض المواضيع السياسية أو الاخبارية أو العامة أو النكت أو غيرها.. فأنا في هذي الحالة ما أهتم بالردود كثير.. يمكن أدورها بس ما أزعل اذا ما لقيتها ولا أعصب أبد :)


الثانية.. إذا كنت أنا من كتب الموضوع .. مثل الخواطر اللي أكتبهم أو القصائد أو المقالات الأدبية والعامة والفنية والرياضية وغيرها.. ففي هذي الحالة بالعكس.. وبكل صراحة.. أهتم بالردود.. وأحلل كل رد.. وأحاول أفهم كل حرف.. لأني في هذي الحالة أستقبل آراء الناس على شي انا قدمته وعمل قمت به ..


هذا ما لدي..


وأجمل تحية للكل..


سلامي للشوق..

[جراح]

أحم أحم أحم أحم ..



في الحقيقة والواقع ... ام ام ام


شعوري ...........



كشعور أي مواطن يطنش موضوعه ..



وفي الحقيقة يمكن ازعل .. أشوي .. ولكن !!!1


هي الحقيقة بعينها ...


والله يعين ..


ولكن .. ردد وراي ..




مطولك ياليل ..


لا هنتوا ..

[ونـــة قلـــب]

هلا وغلا

اخوي الكريم / المستحيــل

اولا موضوع رائع وقيــم

ليت كل الاعضاء يفهمون ان اللي ما احد يرد عليه

يصاب بالاحباط ..

انا اذا ما احد رد على موضوعي اصبخ براسي جدار

الله ياكثر ما صبخت راسي بالجدار ..

عموما الف شكر لك

الله لا يهينك


تحيتي للجميع

[ملك الليل]

waaaaaaaaaaaaaaaaaaaaaaaaaaaaaaaaaaw
:69: :69: :69: :69: :69: :69: :69: :69: :69: :69: :69: :69: :69: :69: :69: :69: :69: :69: :69: :69:

[almuqaati]

عادي .... اصلا ما يهمني أن فيه أحد رد على موضوعي أو ما رد ...

صح إني آخذ في خاطري شوي ...... وأراجع ما قمت بطرحه ...


بس للإنسان موهبة .... يراها في نفسه .... ويريد أن يطلع عليها الآخرين .....

فمن واجبه تجاه نفسه إبراز ما يملك من مهارات يراها الشخص في نفسه .....


وبالتدريج والمتابعة وتلافي الأخطاء ..... يصل إلى ما يطمح ويريد .....



موضوعك رائع أخوي المستحيل .........



سلامي لك .....