------- ليلة العيد--------

[سعد القرني]

السلااام عليكم


اسمحوا لي اشارك معاكم في هذا القسم
من الاشياء اللي اعجبتني في مرقااب تخصص الادب ---
اكثر من يقدر هذا الشي من حاول اخفاء مؤلفاته وفجأه قرر نشرها 000
هذا واقع الحال طبعا00000000000
المهم

مهما احكي عن قصة هذه القصيده لن اعطيها حقها من الدموع 000والحسره والندم لكنه ليس ندم على مافات بقدر ماهو ندم على مالم يأتي وتحسّر---خاصة وان ظروووف هذه القصيده مغتررربه 00000 انشالله تعجبكم







ياليلة العيد هدّي خطوتك هدّي
مانتي بشرهات كل الناس ملزومه

عدّي كم أبيات شعر قلتها عدّي
مالك بها صوره ولا انتي بمرسومه

ما احد تمناك بنجوم السما قدّي
يافرحة بالقدر والغيب محجومه

يشتاق لك كل هم صاح به وجدي
وتحن لك كل دمعة حزن مهمومه

كم لي وانا احتال ظرف مثلك يعدّي
وانتي بطاريك عند الناس معزومه

ماتسألي عن سنين واقفه ضدّي
صارت بها أحلام كل العمر محسومه

خليتي العمر كله دمعه بخدّي
هديتي فيك دمعة حزن مسمومه

ياليلة العيد لاجيت أسئلك ردّي
ردّي ولو كانت الأعذار مذمومه

قولي ترى الصبر زلّ بخطوته حدّي
وجروح الايام وسط الصدر مكتومه

ما اشوف للعيد شوق ينتظر عندي
نسّاني الهم طعم العيد وسلومه

عذري من الناس هم باح به سدّي
مظلوم انا منه والايام مظلومه

[Pearl Lover]

هلا والله بسعد



بصراحة صارت مواضيعك تعجبني وأحب متابعتها أول بأول



سلمت لنا ياغالي


أحلى تحية..


سلامي للفرح..

[سعد القرني]

انشالله دايم نعجبك بيرل 000000000



ممنون الزياره