اماسي
20-02-2005, 11:40 AM
قالت ولد مجنون
وقلت وعاشق مجنون
من خلقة الدنيا ومثله
ماخلق بالناس مثله
رغم قسوتهم حنون
اسمر سقته الشمس ماها
لين فوح في مداها
وضيع الميمون
وابيض من اوراق السحاب
ومن عباب الماء
ومن نبع العيون
روحه غمامه من سما
وبوحه ضما
ونوحه رفيف غصون
موزون
لكن لا سمع صوتك تبعثر وانهمر
واختل فيه الكون
ومحزون
لكنك تنسيه الحزن كل ما حضن طيبك
شفاه وهدهده بالهون
ومفتون
لكن فتنة العاشق مراتب
ومن تكوني عشقة احساسه
طبيعي لو رفع راسه
وعاش بمرتبة مجنون
قالت ولد مجنون
وقلت وعاشق مجنون
تدرين وش معنى مساء الخير؟؟
تدرين لطارت من شفاهك
من اللي يطير؟؟؟
عقلي يطير
وكوكبي يفتر عكس الاعتياد من الطرب
والمستحيل يصير
آمنت بالله القدير
حل الدفا والبرد فارقني
وفل الزمهرير
رجعت حي
قلت حي الورد الاصفروالعبير
حي الصباح اللي تشابك بالمسا
حي الحرير
حي الحياه اللي طعمها يشبه
الجنه كثير
قولي مساء الخير
اورق وانبعث واكون
ولا تسالي وشلون؟
مجنون
ومن قولي بربك يسأل المجنون
الا واحد مجنون
قالت ولد مجنون
وقلت عاشق مجنون
مرن ثلاثين وعليهن من سنيني زود
كان العقل موجود
لكن وش جنيت من العقل
ومن الثقل ومن الليالي السود؟
وش فادني صبري
ومقطان الحنين اللي سرق
عطري سنين وبادني
وش زادني؟؟؟؟
مازادني الا جفاف اسمه رشاف المجد
والمجد زيف
ان ما عركته باليدين
المجد لله في سماه
وفي ثراه
ماغير حبك مجد
ياشوق مشغلني معه
ياغربتي لا فزت
من اقصى الضلوع الاشرعه
انا اتوجد وجد
وياجعل قلبك ما يذوق
الا رفيف الوجد
ياعذبة العنقود
اشتقت للبارود
وان كان فيك مثل اشتياقي
فجريني بالتلاقي
وانسفيني زود
انا احتراقي في عيونك
كل همي وغاية المقصود
ولا همني هرج الملا
خل الملا يحكون
قالت ولد مجنون
وقلت وعاشق مجنون
وقلت وعاشق مجنون
من خلقة الدنيا ومثله
ماخلق بالناس مثله
رغم قسوتهم حنون
اسمر سقته الشمس ماها
لين فوح في مداها
وضيع الميمون
وابيض من اوراق السحاب
ومن عباب الماء
ومن نبع العيون
روحه غمامه من سما
وبوحه ضما
ونوحه رفيف غصون
موزون
لكن لا سمع صوتك تبعثر وانهمر
واختل فيه الكون
ومحزون
لكنك تنسيه الحزن كل ما حضن طيبك
شفاه وهدهده بالهون
ومفتون
لكن فتنة العاشق مراتب
ومن تكوني عشقة احساسه
طبيعي لو رفع راسه
وعاش بمرتبة مجنون
قالت ولد مجنون
وقلت وعاشق مجنون
تدرين وش معنى مساء الخير؟؟
تدرين لطارت من شفاهك
من اللي يطير؟؟؟
عقلي يطير
وكوكبي يفتر عكس الاعتياد من الطرب
والمستحيل يصير
آمنت بالله القدير
حل الدفا والبرد فارقني
وفل الزمهرير
رجعت حي
قلت حي الورد الاصفروالعبير
حي الصباح اللي تشابك بالمسا
حي الحرير
حي الحياه اللي طعمها يشبه
الجنه كثير
قولي مساء الخير
اورق وانبعث واكون
ولا تسالي وشلون؟
مجنون
ومن قولي بربك يسأل المجنون
الا واحد مجنون
قالت ولد مجنون
وقلت عاشق مجنون
مرن ثلاثين وعليهن من سنيني زود
كان العقل موجود
لكن وش جنيت من العقل
ومن الثقل ومن الليالي السود؟
وش فادني صبري
ومقطان الحنين اللي سرق
عطري سنين وبادني
وش زادني؟؟؟؟
مازادني الا جفاف اسمه رشاف المجد
والمجد زيف
ان ما عركته باليدين
المجد لله في سماه
وفي ثراه
ماغير حبك مجد
ياشوق مشغلني معه
ياغربتي لا فزت
من اقصى الضلوع الاشرعه
انا اتوجد وجد
وياجعل قلبك ما يذوق
الا رفيف الوجد
ياعذبة العنقود
اشتقت للبارود
وان كان فيك مثل اشتياقي
فجريني بالتلاقي
وانسفيني زود
انا احتراقي في عيونك
كل همي وغاية المقصود
ولا همني هرج الملا
خل الملا يحكون
قالت ولد مجنون
وقلت وعاشق مجنون