عيد الصواط
06-02-2010, 09:05 AM
سوار الذهب
مرحبا ترحيبة نعرف حسبها من نسبها=في محل امطير والاقصين يوحون الموالي
مانصدق من يقول النار ماتاكل حطبها=واتفقد في حلال الناس والا في حلالي
ملفي المورقي
البقا والنفس معروف طربها من غضبها=كل علم دار في بالك على فكري وبالي
الكتابة مايعرف رموزها الا من كتبها =كود رجال بخيص فالجواب امن السوالي
سوار الذهب
لاتجي في حل مشكلة تراك انته سببها =وانت غالي والرفيق المحترم طيب وغالي
العرب (يقلون) كسر اعظامها ثنى عصبها =والله اعلم ياخوال المورقي مدري خوالي
ملفي المورقي
لا تقوله وانت قدامي محول في نشبها =لا تحسبنك بعيد شرها ياهملالي
بارك الله فالحلوب وفي يدين اللي حلبها =رعيها عشب نظيف ودرها بالحيل حالي
سوار الذهب
انت مثل اللي تبى تخطر عرب ماهم عربها =كان ما تبغى سموم القيظ خلك في ظلالي
ياولد مزيد تبى تضحك عليها و اتغصبها =مانبى من ماك وانته لا تلوى في حبالي
ملفي المورقي
اعتقد لو قلت لي ماقلت صورها وجبها =العرب ماتعطي الدولار في ربع الريالي
المراجل روحت ماعاد يبقى الا ذنبها =والبقيه عند ابن غانم وابو زيد الهلالي
سوار الذهب
راحت الدنيا هوى ماباقي الاظلم وابها =الله اكبر ياهبال المورقي ماهو هبالي
عينك اللي كن راس احجاجها يصبر هدبها =وانت من ماضي السنين الاوله طالب مثالي
ملفي المورقي
الدير ياصاحبي برجالها محد نهبها =من طلوع اسهيل مصيونه ليا القطب الشمالي
انت عاصي مير نفسك لينة من حسن ادبها =مار لو دورت فالشعار ماتلقى بدالي
سوار الذهب
وانت جايبلك فرس وبعير تبغى تستحبها =ياعرب وش بعد راس الذيب عن راس الخيالي
قوم ياتركي ترى ملفي عقوبه وعقبها =لاتهبلنا هبوب الشام وانكس عقالي
ملفي المورقي
الكحيلة مايشد اعنانها الا من ركبها =وانت شوف اللي جرالك لاتشوف اللي جرالي
قوم ياتركي وشوف النار لا تقرب لهبها =ان قربت النار ياتركي يبى يصلاك صالي
وسلامتكم
مرحبا ترحيبة نعرف حسبها من نسبها=في محل امطير والاقصين يوحون الموالي
مانصدق من يقول النار ماتاكل حطبها=واتفقد في حلال الناس والا في حلالي
ملفي المورقي
البقا والنفس معروف طربها من غضبها=كل علم دار في بالك على فكري وبالي
الكتابة مايعرف رموزها الا من كتبها =كود رجال بخيص فالجواب امن السوالي
سوار الذهب
لاتجي في حل مشكلة تراك انته سببها =وانت غالي والرفيق المحترم طيب وغالي
العرب (يقلون) كسر اعظامها ثنى عصبها =والله اعلم ياخوال المورقي مدري خوالي
ملفي المورقي
لا تقوله وانت قدامي محول في نشبها =لا تحسبنك بعيد شرها ياهملالي
بارك الله فالحلوب وفي يدين اللي حلبها =رعيها عشب نظيف ودرها بالحيل حالي
سوار الذهب
انت مثل اللي تبى تخطر عرب ماهم عربها =كان ما تبغى سموم القيظ خلك في ظلالي
ياولد مزيد تبى تضحك عليها و اتغصبها =مانبى من ماك وانته لا تلوى في حبالي
ملفي المورقي
اعتقد لو قلت لي ماقلت صورها وجبها =العرب ماتعطي الدولار في ربع الريالي
المراجل روحت ماعاد يبقى الا ذنبها =والبقيه عند ابن غانم وابو زيد الهلالي
سوار الذهب
راحت الدنيا هوى ماباقي الاظلم وابها =الله اكبر ياهبال المورقي ماهو هبالي
عينك اللي كن راس احجاجها يصبر هدبها =وانت من ماضي السنين الاوله طالب مثالي
ملفي المورقي
الدير ياصاحبي برجالها محد نهبها =من طلوع اسهيل مصيونه ليا القطب الشمالي
انت عاصي مير نفسك لينة من حسن ادبها =مار لو دورت فالشعار ماتلقى بدالي
سوار الذهب
وانت جايبلك فرس وبعير تبغى تستحبها =ياعرب وش بعد راس الذيب عن راس الخيالي
قوم ياتركي ترى ملفي عقوبه وعقبها =لاتهبلنا هبوب الشام وانكس عقالي
ملفي المورقي
الكحيلة مايشد اعنانها الا من ركبها =وانت شوف اللي جرالك لاتشوف اللي جرالي
قوم ياتركي وشوف النار لا تقرب لهبها =ان قربت النار ياتركي يبى يصلاك صالي
وسلامتكم