المساعد الشخصي الرقمي

مشاهدة النسخة كاملة : أخبار الغرام (( اهداء لعموم المرقابية وخصوصاً مرقابنا الغالي وسلطان))


صدى خافق
17-02-2005, 01:41 AM
### أخبــــــــــــــــــــــــــــار الغرام ####

جيتها عذبني الهم ... اشكي لها اوجاع .. وجفني ما غفى
جروح تناثرت ماعاد تلتم .. شي ادوره ضاع ... جيتها فاقد دفى
قلت ضميني قالت يتعبني الضم .. قلت افا .. وين الوفا .. خابر لك قلب يرحم

احضنتني شفتها تلملم بقـــــــايا انسان ...
هاك البيت اصبح زوايا موحشة واركان..
والنـــــــــــــــــــــــــار منها آثار دخان..
طرفها ذاب سلهم .. قلت لثغرها تكفى تكلم .. قلي اخبار الغرام ..
قال يتعبني الكلام .. ان تكلمت اتلعثم

خلني اكتب .. قلت اكتبي هات الاخبار
اكتبت " با " .. قلت : " بقلبي ساكن ٍ حبك " .. " باعيش العمر في قربك "..
وتكونت في خاطري عز الافكار..
أو يمكن مخاطر " بسيبك " " بسافر" .. بلحظة صرت منهار
بغفوة افكاري أناطر .. والا كتبها " بسم الله الرحمـــــــــن " .. قالت وشفيك ولهان
قلت استرسلي .. لا تسألي .. لا تلومي المرضان

اكتبت حرف الألف .. قلت " اشوفك مختلف " .. " انت تتغلا " .. " انت اناني واعترف" .. والا والا .....
اكتبت "حــا " .. يتبعه " بــا " .. يتبعه " كــــاف " ..
قلبي صحـا .. حس الدفــا .. من شــــــــــاف ..
قلت قوليهـــــا ... قالت احبك وانت تدري
الله واليــهـــــا ... يوم انتهـــت قلت بدري
تكفين عيديها ... قالت احبك وانت تدري ... انت عمري
راح يجـــري ... همـــــي وقل المنــــــام
وهام شعــري ... بالفضا حلق وهام .. ينشر اخبـــــــــــــار الغرام .....


من كتاباتي للحر اتمنى ان ينال رضاكم... صـــــــــــــدى خافق
سلطان بن فيحان
17-02-2005, 05:10 AM
صح لساتك ولاهنت والعتب مازال موجووووووووووود يعطيك العافيه وبنتظاااار جديدك باستمرار ولاهنت اخوي صدى خافق
صدى خافق
17-02-2005, 06:57 PM
شاكر لك المرور وصح بدنك ..... واعتذاري تلقاه على الخاصة يابو فيحان والله كنت مشغول لدرجة الغليان وأعدك بالتواصل
صدى خافق
22-02-2005, 09:56 AM
اباعرف ليش ما علق الا شاعر الصمت حتى لو فيه نقد عادي بس علقوااا ..
بالطريقة ذي ما تشجعون الواحد يكتب ثاني مرة
محمد بن ناهي
23-02-2005, 12:13 AM
مرحبا ياصدى خافق

الحقيقه احساسك جميل ومرهف بس اتوقع ان هذي اول محاول حره لك الشعر الحر لايعتمد على سرد الكلام هو يحتاج لوقفات حتى لو لم تكن محدده على كامل القصيده انما لابد ان يكون هناك انسيابيه في الانتقال من وقفه الى اخرى وارجع واقول احساسك حلو ولو بس كثفت من قراءة الشعر الحر لكبار الشعراء بالتأكيد سيكون لنا نصيب من ابداعك
تحياتي لك
أميرة المرقاب
23-02-2005, 12:23 AM
وخيي صدى خافق
:f83:

وكلمات معبره


:f83:

لا تحرمن جديدك وخيي



اختك بنت الخرمة
المرقاب
23-02-2005, 09:35 AM
كلمات قمة فى الابداع والروعة اخوى صدى خافق
وفق الله تعالى ونحن بانتظار المزيد من الابداع
صدى خافق
23-02-2005, 10:15 AM
محمد بن ناهي : شاكر لك مرورك ونقدك ولكني أؤكد لك أني اكتب الحر منذ ما يقارب التسع سنوات وقد تكون لك نظرتك الخاصة وأنا أحترمها (( جداً )) ولكن الحر : وزن داخلي للمقاطع داخل الكوبليه الرئيسي .. وزن خارجي للكوبليه الرئيسي .. سجع داخلي .. سجع خارجي .. ثم ابحااااااااااار.. واعتقد انها متوفرة
ولكني حائر تماما أمام كلمة (( وقفات وماادري شتقصد فيها )) .. فزعات يعني .. هههههههههههههههه
صدى خافق
23-02-2005, 10:17 AM
بنت الخرمة : شاكر مرورك .. الله يعطيك العافية .. وألف شكر أقين
صدى خافق
23-02-2005, 10:21 AM
سعادة المدير : يا عمي ألف شكر على مرورك وثناءك وسام آخر يا مرقابنا الغالي .. وأعدك بالتواصل
محمد بن ناهي
24-02-2005, 12:39 AM
ولكني حائر تماما أمام كلمة (( وقفات وماادري شتقصد فيها

ليش الحيره يابعدي مثل انت ماقلت وزن داخلي وخارجي هي الوقفات بحيث يكون لها جرس يستسيغه السامع
وتكون سلسله في الابحار
على العموم اشكرك على سعة صدرك وانتظر جديدك الحر والنبطي
تحياتي لك
مـاجدونـا
24-02-2005, 01:12 AM
صح لسانك...
صدى خافق
24-02-2005, 07:20 PM
صح ابدنك اخووي ماجدونا