{ لعـبـــة أمثـال شعبيــه ...مفيـده جــــداً } [الأرشيف]

ونـــة قلـــب

31-01-2005, 01:18 PM

السلام عليكم ورحمة الله وبركاته

اخواني واخواتي اسرة المرقاب

عندي لكم لعبه مفيده وهي من افكاري

لا اعلم اذا كان هناك شخص فكر فيها قبلي ام لا

المهم اللعبه هي انا احط مثل شعبي واللي بعدي يقول

وش يدل عليه هذا المثل ..

على سبيل المثال

من يقول للثور اني عنتـر

يدل المثل على ان الثور ما يعرف من عنتر ولا بلال ..

اي مثل اللي يقول مافيش يمه ارحميني ...

جاهزين عرفتوا اللعبه

نتوكل على الله

مثل ..

الطول طول نخله ..والعقل عقل صخله ..

اللي بعدي يقول وش يدل عليه هذا المثل

لو انه بسيط بس هذا اللي حظرني في هذه اللحظه

تحياااتي

زمان الصمت

31-01-2005, 09:54 PM

أختي العزيزة / ونة قلب
السلام عليكم ورحمة الله وبركاته
أود ان اشكرك على هذا النشاط وعلى الافكار النيره الذي تعيدنا الى تاريخ الاباء والاجداد, وأعلمي وفقني ووفقك الله عز وجل بأن مثل هذي الألعاب لها من الفوائد الكثير وأهمهما بالنسبة لي أن عندي جدتي وهي عجوز عمرها يناهز 89سنه وهي من أشد المعجبات بك وتقول لي ياوليدي وش اخر ماكتبت ونة قلب وأنا أشرح لها كل جديد تطرحينه في ساحات المرقاب فقد أستفادة من خبرتك الطبخ وأستفادة منكِ العناية ببشرتها وتزيين أضافرها وتعرفت على جميع انواع الاكسسوارات , وعندما يضيق خاطرها أطربها بسماع قصه وقصيدة من أطروحاتك العذبه , ونة قلب ان لكِ جميل علي في هذا المنتدى العريق وعلى جدتي "بلشة"فندعوا الله انا وهي بالتوفيق لكِ والسداد على طريق الحق.

حقائق خطيره من زمان الصمت .
*******

الطول طول نخله ..والعقل عقل صخله ..

الشرح :

يضرب هذا المثل لشخص كبير الجسم **صغير العقل

يعني واحد جسمه كبر جسم البعير وعقله عقل طفل ...

**********************

المثل اللي من عندي :

((جلداً ماهو جلدك جره بالشوك)).

زمان الصمت

01-02-2005, 03:01 AM

هههههههههههههههههههههههه

ياحليل سوالفك يازمان الصمت

أمانه تعال ونسني بسوالف القهاوي

ونة تسمحيلي اللعب معاكم والله اني اخاف منك

أحس انك شديده يعني تهاوشين

وتذكريني بالأنسه "منشن" الي بكرتون سااااااااااااالي

هي ونظراتها شريره .....

ونـــة قلـــب

01-02-2005, 07:58 AM

هلااا والله وغلااا

اخوي الكريم / زمان الصمت

سلملي على جدتك وقل لها تزورنا

والحمد لله اللي مواضيعي تجوز لها

الشكوى لله هذا هو جمهوري ..

عموما انا اشكرك من كل قلبي على المداعبه اللطيفه منك

وجدتك في عيني وعلى راسي لو تبيني اصير لها معلمه

انا حاضر ..بس اهم شي انها تدعمني وتتابعني فيها الخير والبركه

لاعدمناك يا جدة زمان الصمت

الف مرحبابك

تحيتي لك ولجدتك باشة الغيــــد

ونـــة قلـــب

01-02-2005, 08:05 AM

ونـــة قلـــب

01-02-2005, 08:12 AM

السلااام

المثل منك يازمان يقول

((جلداً ماهو جلدك جره بالشوك)).

يضرب هذا المثل بأن اي شي ماهو لك او ليس ملك

افعل فيه ما تشاء ..لا تتهاون فيه ...صح ..او طح

المثل

طقه في راس غيري مثل طقه في جدار

تحيتي

زمان الصمت

01-02-2005, 10:09 PM

هلاااا والله وغلاااا
اخوي الكريم / حمودي
اشكرك على مرورك العذب ..بس ليش ماجاوبت
على مثل اخونا زمانووه
وبعدين انا ما احب اهاوش احد حرااااام عليك تقول اني
اهاوش ..انا حنونه وطيبه ومسالمه وكريمه
عموما .الف مرحبابك
حمودي اشكرك على المرور حتى لو لم تشارك
اهم شي عبرتنا ونورت صفحتنا بوجودك
اتمنى لك التوفيق
تحياااتي

ونة قلب وربي انك جرحتيني بهاذا الكلام
والله اني انا حاس انك منتي معبرتي من أول والا نفسي اشارك معاك بس اقول بنفسي راح تطنشني لكن والله غير أطفشك بمشاركاتي الجاية

واخليك تقولي ياحمود ياويلك اشوف رقعة وجهك بعد اليوم

وانا ارد عليك واقول باعلى صوتي طيييييييييييب

انا ابي اجاوب على سؤالك

طقه في راس غيري مثل طقه في جدار

يعني حسب توقعي

يعني اننها مدام ماهي براسي انا يعني حمود وبراس شخص غيري طز عادي مافرقت معايه اهم شي ان راسي مايجيه شي وعادي بجدار او بحاجة ثانية

يارب يطلع صح ماتفشل معك ياونة قلب

طيب فيه مثل دايم يقولونه لي

ياحمار موت لين يجيك الربيع :1626_0331

عاشق الريم

02-02-2005, 08:25 AM

اولا اشكر الاخت الغالية ونة على

ماتقوم به من مجهودات رائعة وعظيمة

تقبلي تحيااااااااااااااتي اختي الغالية

ولي عودة ثاااااااااااااااااااااااانية ان شااااااااااااااء الله معاكم

اخوك عاشق الريم

ونـــة قلـــب

02-02-2005, 10:49 AM

هلا بكم جميعا

وشكرا لكم على تفاعلكم

هلا وغلا اخوي حمود الاقرع ..حياك الله وبياك ابدا انا ما اطفش من اي شي

صدري بحر وصحراء.. :1626_0331

هلااا وغلااا

اخوي عاشق الريم ..وين رايح وانت ما عبرت عن المثل اللي حط حمود

هههههههههه كل هذا ما ذاكرت الدرس

طيب اخوي .حمود الاقرع ...حسب فهمي للمثل

يضرب هذا المثل .للي يصبر وكل مره يقولون ( انطر ياحمار لين يجيك الربيع )

يعني انطر حضك واصبر لين يجيك اللي تبي ...صح

اللي بعدي

الدار دار ابونا والقوم طردونا ...

تحيتي

عاشق الريم

02-02-2005, 11:36 AM

يضرب المثل للي يطرد الناس من حلالهم وملكهم

وايضا للي يدخل في حاجة تخص غيره ويتحكم فيها

طيييييييييييييييييييب خذوا المثل هذاااااااااااااااااا

عمية تحفى بمجنوووووووووووونة

غريب صح

هههههههههههههههههههههههههههه

ونـــة قلـــب

02-02-2005, 12:54 PM

هلا وغلا

اخوي عاشق الريم

حياك الله واشكرك على المشاركه

يضرب هذا المثل

حنا نقول عميا تمشط مجنونه

يعني ان كل الثنتيت الله يخلف كلهن بالهوا سوا ..مامن امور طيبه

وفيه ناس يقول الجحه تدربي البطيخه ...نفس المثل

طيب هذا مثل

اللي ما يغار ..يصير حمار

تحيه

زمان الصمت

02-02-2005, 07:53 PM

اللي ما يغار ..يصير حمار

ونه كيف حالك بصراحه احس ان عندي رغبه اتابع مواضيعك

انتِ انسانه تستاهلين كل خير

معناه :

هذا يقولونه للواحد الي يشوفونه غير مابالي يعني اذا فيه واحد تبي تحرك احساسه تقول له هذا المثل مدري وشلون اوصل المعلومه بس انا شرحتها بالي اقدر عليه.

عندي مثا انا :

(عليه العوض ومنه العوض)...

ونـــة قلـــب

05-02-2005, 01:55 PM

هلا وغلا

وين الناس ..<<<<

ذكرتني هذي الكلمه

حضر الموظف متأخر

قال له المدير وين الناس

رد عليه الموظف ..والله مادري انا توني جااي ..هههههههههههههههه

مثلك يا الاقرع يقول

عليه العوز ومن العوز هذا ..مثل مصري

اللي مؤلفه ..توفيق الدقن

يضرب هذا المثل

باللي يخصر شي ويتمنون له ان الله يعوضه ...اكيد صح

مثل ...

الباب اللي يجيك منه الريح سده واستريح ..

تحيتي

مـاجدونـا

05-02-2005, 08:04 PM

هلا والله ونونه كيفتس ..موضوعك صراحه روعه يا ونه ..ويستاهل ارد عليه...

الباب اللي يجيك منه ريح سده واستريح

يعني الباب اللي يجيك منه شر سده واسترح من الشر

مو باب عاد لا يعني على سبيل المثال رجال او حرمه مافيهم خير اتركهم واستريح من شرهم

مت ياعار لين يجيك الربيع...

تحيتي

ونـــة قلـــب

06-02-2005, 07:42 AM

هلا وغلا

اخوي الكريم / ماجدونا

حياك الله معنا ..

مثلك سبق وان طرحناه لكن عشانك راح اجاوب ولا يهمك

مت يا عار لين يجيك الربيع <<<< او انطر ياحمار لين يجيك الربيع

عموما كلها معنى واحد

ويضرب هذا المثل للي ينتظر طويلا ...ولا يجيه الشي

مثل اللي يقول ..كل يوم يا حمد باكر ...

المثل ..

ياخال ابوي حك ظهري .... :1626_0331

تحيتي

زمان الصمت

08-02-2005, 04:03 AM

ياخال ابوي حك ظهري

هذا المثل يضررررررررررررررررررب

لبعد القرابه

******************

المثل

الله لا يكثر خيرك

هههههههههههه

وش معناه

ونـــة قلـــب

08-02-2005, 09:05 AM

هلا وغلا

مرحبا بعودتك يا زمان الصمت

الله لا يكثر خيرك

هذا المثل يقال لاي شخص انت حاقد عليه

او عمل لك مقلب مو زين تقوله

الله لا يكثر خيرك ..يعني تطلب من الله ان مايكثر خيره

المثل اللي عندي يقول

( اذا كان حبيبك عسل لا تلحسه كله )

تحيتي

زمان الصمت

08-02-2005, 09:26 AM

هلا والله فيك ونونة

( اذا كان حبيبك عسل لا تلحسه كله )

يعني اذا كان حبيبك انسان طيب ومحترم ويستحي

لا تستغله وتمزمزه على الأخير

علشان يبقى لك بعدين

************************************

رب أخ لم تلده أمك

مثلك انت ياونة قلب هذا المثل ينطبق عليك ===> يالله فسري معناه

الليدي

08-02-2005, 02:00 PM

مرحبا للجيع

هذا المثل ينطبق على الحريييييييييييييييييم

وهو

غضب المرة زي الحريقة ينطفي في دقيقة

الله يكون في عوننا

وهذا المثل يعني :79: مع انه واااااضح

ان الحريم زعلهم ياااااااااااااااااااو (قوي مخييف)

ولاكن كلمه حلو <- - ياسلاااااااااااام ولاكنه صار شي :55:

تحياااتي :55:

زمان الصمت

08-02-2005, 02:41 PM

أم اقرون وش دراك بالامثااااااااال انتي حدك تخربشين على الجدران

الليدي

10-02-2005, 03:47 PM

clown المرقاب الأقرع

خير من متى المعرفه

خرابييييش ولا شخامييييط سميها اللي تسميها <- - يقول المثل كل يرى الناس بعين طبعه

بكيفي اكتب اللي ابي

وبعدين ماأظن اني غلطت عليك او على اي عضو من اعضاء المرقاب ومتأكده بأني انسانه محترمه واحترم المرقاب واعضاءه ومشرفيه

فلذلك يستحسن تحترم نفسك

وتحافظ على بقيه المويه اللي بوجهك<- - ؟؟؟؟؟؟؟؟؟؟؟؟؟

اظن ان كلامي مفهوم

ونـــة قلـــب

11-02-2005, 11:08 AM

هلا وغلا بالجميع

زمان الصمت المثل اللي حطيت يقول

رب أخ لم تلده أمك

مثلك انت ياونة قلب هذا المثل ينطبق عليك ...

الف شكر لك اخوي زمان ...

يعني ان احيانا الصديق او الجار يكون مثل الاخ

وانت تعتبره اخوك بس ما ولدته امك ...صح ..

طيب القفوا هذا المثل

جيتك يا عبد المعين تعين لقيتك يا عبد المعين تعان

تحيه

زمان الصمت

12-02-2005, 12:46 AM

ههههههه

ونة قلب انا اعرف معنى هذا المثل هع هع هع هع...

جيتك يا عبد المعين تعين لقيتك يا عبد المعين تعان

يعني انا ياحمود ناديت واحد يساعدني والمسكين هو يدور احد يساعده

هع هع هع

حلو التحليل

اذا غاب القط اللعب يافار

زمان الصمت

12-02-2005, 09:28 AM

اذا غاب القط اللعب يافار

يعني يا اخوي حمود الاقرع سلمك الله

اذا غاب الكبير أللعب ياصغير

********************

طيب خوذوا هذا المثل من عندي

كل أبن أنثئ وأن طالة سلامته فأنه يوماً على الة الحدباء محمول

ونـــة قلـــب

12-02-2005, 01:06 PM

هلا اخوي زمان الصمت

نعم وش تقول ..ما سمعتك

ياربي وش كثر اعاني ..مافهمت مثلك :79:

غير اللوحه بتاعته

فهمته بس شوي

زمان الصمت

13-02-2005, 01:03 AM

هلا اختي ونة قلب معليش المثل هذا نزل بالغلط مني

يعني ان لكل بداية نهاية ولو طال الزمن او قصر

المثل الثاني

من عندك انت يا ونة قلب؟؟؟؟؟؟؟؟؟

ونـــة قلـــب

13-02-2005, 07:53 AM

السلام عليكم

الف شكر اخوي زمان الصمت

المثل اللي عندي يقول

يامن شرا له من حلاله عـلـه ...

تحيتي

مـاجدونـا

09-03-2005, 10:17 AM

يعني واحد كفل له واحد ..والواحد ذا ابلش اللي كفله..وفي هذه الحاله يقال هذا المثل...

يالله....

القفوا...

العقل السليم في الجسم السليم...

تحيه...

مـاجدونـا

09-03-2005, 10:19 AM

يعني العقل اللي مافيه بلا في الجسم اللي مافيه بلا..خخخ سجع..ههه..

<--- قل والله...

يالله....

القفوا...

زنن لقط له خرزه...

تحيه...

Pearl Lover

20-03-2005, 08:09 AM

زنن لقفط له خرزة

يعني قرد ولقاله حاجة يلتهي فيها

أو شخص ما احد معطيه وجه ولقى موضوع يلفت به الانتباه

<-------- والله اني خطير :82:

طيب القفوا هاي المثل

الباب اللي يجيك منه ريح لا تلحسه كله

:59: <------- شلون الأخو !!

سلامي..

مـاجدونـا

24-03-2005, 05:56 PM

يعني ..

الشي اللي يجيك منه شر خله يولي واستريح منه...

يالله...

سعيد اخو مبارك...

ونـــة قلـــب

28-03-2005, 09:34 AM

هلا وغلا بالجميع

سعيد اخو مبارك

يدل هذا المثل ان كل الاثنين سلوكياتهم واحد ...صح ام طح

طيب القفوا

من يجي الداب وشجرته ..

تحيتي

مـاجدونـا

13-04-2005, 05:35 PM

يعني هذا المثل..

من اللي يجي للموت برجوله..

يالله القفوااا

وافق شن طبقه..

هذا المثل من اللغه العربيه..توووووش..

يالله..

ونـــة قلـــب

30-04-2005, 08:59 AM

هذا المثل قصته طويله ومعروفه

يعني وافق شن طبقه اي الاثنين متوافقين في كل شي

صح اكيد

يامن شرى له من حلاله علة

ونـــة قلـــب

07-05-2005, 08:04 PM

هههههههههههههههههههه

ماعرفتوه يعني الواحد يشتري شي ويزهق فيه

او يجيب احد عنده وهو غثه

الصبر طيب .. :1626_0331

مـاجدونـا

12-05-2005, 02:47 PM

الصبر طيب...

يعني...المكوث في المكان طويلا..في امر مهم..طيب...

<------ ياويييييييييييييييييييلي بس ياللغه....لاتخلينا يا استاذ خالد الفهد...بس......<---مدرسنا...

المهم...

القفوا...

جمالك من حلا روحك...

ونـــة قلـــب

14-06-2005, 10:47 AM

هلا وغلا

اخوي ماجدونا

جمالك من حلا روحك

يعني جمالك يعكس روحك الطيبه

كما يقال

الجمال جمال الروح ...وكفى عااد

وافق شنن طبقة

ونـــة قلـــب

19-06-2005, 10:37 AM

وافق شنن طبق

اي اذا صاروا الاثنين متطابقين

في كل شي ..

اتق شر من احسنت اليه

ونـــة قلـــب

27-06-2005, 11:09 AM

اخواني واخواتي

بما ان اللعبه تحتوي على امثال شعبيه قديمه

نقلتها هنا في مرقاب الموروث والتراث الشعبي

اللي عنده اعتراض ..يدلي بدلووه

لاعدمتكم

تحيتي لكم جميعا

ونـــة قلـــب

01-07-2005, 03:59 PM

اتق شر من احسنت اليه

هذا المثل يضرب

للي تحسن اليه بكل الافعال ثم ينكر ويسبب لك مشاكل

ووجع الراس

شكلكمماتبون تحطون امثال شعبيه :79:

ريحانة المرقاب

04-07-2005, 05:18 PM

اشدعوى خيتي ونونه فديتج

انا احب الامثال الشعبيه

بس ما شفتهم

طيب يا حبي استلمي هزا المسل

الباب اللي يجي منه الريح سده واستريح :092: :092: :092:

يالله يحبي اتحداكم تفسرون هزا المسل

ونــة قلــب

لا استطيع ان اعبر لك عن حبي واعجابي بكل ما تطرحينه

من مواضيع هادفه ومفيده للغايه :f83:

سجلي اعجابي :m22: :55:

ونـــة قلـــب

04-04-2006, 07:07 PM

هلا وغلا

اختي ريحانة المرقاب

الباب اللي يجيك منه الريح سده واستريح

يعني الباب اللي يجي منه المشاكل ووجع الراس

سده ولا تفتحه

اييه دنيااا

استلموا هذا المثل

من يقول للثور اني عنتر

تحيتي

محمـد

05-09-2006, 04:01 PM

من يقول للثور اني عنتر

هذي قصه طويله يعني ان الثور مايعرف عنتر ولا بلال

كوني كالشجره ترمى بالحجره تتساقط ثمره

:84:

*قيس*

23-12-2006, 02:07 PM

في سبيل انشاء الموسوعة المرقابيه للامثال الشعبيه ارجو من كل واحد

يسجل مساهمته بمثل شعبي سواء كان بجمله اوببيت شعري .

1- يامن بقرينه لفح

السحابه البيضاء

23-12-2006, 10:44 PM

السلام عليكم ورحمة الله وبركاته

موضوع رائع يالقمر وعندي من الامثال الكثر والقديم وليك واحده :84:

إلي مايعرف للصقر يشويه ههههههههههههههه

ودمتم :019:

سند الروقي

24-12-2006, 12:17 AM

مساك الله بالخير ياجار القمر مشكور على هالفكره الجيده سجل مساهمتي
ارنب تبي العشا والعشا من ظهرها
وتقال للي بسوي نفسه مايفهم الا هو

*قيس*

24-12-2006, 02:06 PM

[QUOTE=السحابه البيضاء]السلام عليكم ورحمة الله وبركاته

موضوع رائع يالقمر وعندي من الامثال الكثر والقديم وليك واحده

مشكوره على المساهمه

*قيس*

24-12-2006, 02:09 PM

مساك الله بالخير ياجار القمر مشكور على هالفكره الجيده سجل مساهمتي
ارنب تبي العشا والعشا من ظهرها
وتقال للي بسوي نفسه مايفهم الا هو

مشكور على تواجدك

ونـــة قلـــب

24-12-2006, 02:16 PM

حياك الله اخي
جار القمر

موضوع جدا رائع

اولا الموضوع مكرر

ثانيا مكانه الموروث الشعبي

ثالث فيه خطـأ مطبعي في العنوان

بدل المرقـــاب >>>>>>>> المرفاب هههههههههههه

يدمج مع الموضوع الاول وينقل الى الموروث الشعبي

تحيتي

*قيس*

25-12-2006, 10:46 AM

[QUOTE=ونـــة قلـــب]حياك الله اخي
جار القمر

موضوع جدا رائع

اولا الموضوع مكرر

ثانيا مكانه الموروث الشعبي

ثالث فيه خطـأ مطبعي في العنوان

بدل المرقـــاب >>>>>>>> المرفاب هههههههههههه

يدمج مع الموضوع الاول وينقل الى الموروث الشعبي

تحيتي

فكرة الدمج حلوة اذا كانت من جد يعني دمج جامد وحقيقي يعني ماهو لعب عيال ...........العرض ساري الا نفاذ الكميه والكميه .....

*قيس*

25-12-2006, 10:57 AM

عبدالله الفاضل

03-02-2007, 05:20 PM

الموضوع رائع جداَ بقدر روعة كاتبة الموضوع ذلك انه يُنمّي المقدرة على تذكر الموروث القديم

اشكرك من القلب

عبدالله الفاضل

06-02-2007, 03:11 PM

الهريبة ثلثين المراجل

ونـــة قلـــب

31-03-2007, 02:07 PM

الهريبة ثلثين المراجل

حياك الله اخي الكريك

عبد الله الفاضل

الهريبه ثلثين المراجل

والله ما ادري وشي الهريبه

<<<<< ياناس احد يساعدني ويغششني :84:

بلكي الهريبه يعني الشجاعه او الفراسه

طيب

من يقول للثور اني عنتر

:84: :84: