المساعد الشخصي الرقمي

مشاهدة النسخة كاملة : منحــــــــــــــــــــــــــــــــــــــــــــــط !!!


شاعرها
23-01-2005, 07:16 PM
أستأذنكم بهذه القصيده .......





تصدق انك دون هالناس منحط

في وسط نون العين مالك نظرها


لا تفرح بشعري وأبد..لا اتنطط

الشمس لا غابت لفى ضي قمرها


نون وحط فوق الحروف انقط

تاصل لمغزى هالقوافي وأثـرها


احسب حسابك زين جهز وخطط

إزرع ليومك بكره تحصد ثمـرها


أبيك للعثرات كما الذيب الأمعـط

تاطى برجلك هالهموم وكدرها


ارضى بمقسومك وأبد لا اتشرط

ماجور الله قـال منــهو صـبرها


لا تظهر اسرارك تراك اتورط

ان اطلعت لأثنين الثالث نشرها


والمرجله دون تحتها ألــف خـط

خاوالرجال ولاعلى الناس شرها


خلك رفيع ولا اتكبر و تغلـط

الكبر للي كـور الدنيا وفطـرها


واليا وهبك الله قدر لا اتسلط

تراك قطره ضايعه في بحـرها


محدن ترى للقبر قد شال أو حـط

ماغــير أعمالك تثاب بأجـرها

وسلامتكم ..
سلطان بن فيحان
24-01-2005, 03:18 AM
هلا اخوي شاااعرها مساءك سعيد صح لسانك على هالقصيده بس فيه شويت ملاحظاات ياليت تراجع الوزن شووووي
شاعرها
24-01-2005, 10:01 AM
مساءك أحلى واجمل أخي شاعر الصمت ... و صح بدنك .
رأيك على عيني وراسي .... لكنه رأي غير صحيح .
الوزن مضبوط ...جدا جدا ...لكن قرائتك كانت غير صحيحه ..مع اعتذاري .
ارجو بيان المواقع غير الموزونه بالقصيده ليتم مناقشتها .
والحكم للجميع ..وانا راضي بحكم الاخوه المرقابيين الأفاضل .

مع حبي واحترامي
جراح
24-01-2005, 10:29 AM
لا هنت :..........



كلمات قمة في الجمال ....




صح لسانك ..
سلطان بن فيحان
24-01-2005, 05:20 PM
هلا اخوي شااااعرهااااااا وشاااااااااعر المرقاب بعد حقيقه القصيده جميله ورائعه في الفكره والاسلوووووب وانشاء الله مازعلانااااك بس انت ياما ابدعتنا موعيب الوزن ترى انا ليومك ذا اغلط بس ياخي لحنت القصيده وابيك تلحنها وتمررها على كذا بيت مثل

لاتظهر اسرارك تراك اتورط******ان طلعت لاثنين الثالث نشرهااااا
اوعقبها تشوووف قد يكون ماعرف الحن وتظبط معك وممكن انا الغلطان ليش لا محد معصوووووم تقبل تحيتي واعجابي وشكرا
شاعرها
24-01-2005, 09:48 PM
ولا انت اخوي جراح وصح بدنك
شاكرلك هذه الزيارة .
تقبل تحياتي



=========================

اخي شاعر الصمت :
هلا بك يالطيب ... والله لو لا ثقتي من انني سأناقش انسان فاهم لما ترردت في اهمال تعليقك ...واعتقد انك تعرف ما معنى ان يقال لأي شخص بأن قصيدته غير موزونه !!!!
وعموما ... استغفر الله من انني شاعر المرقاب...انا نقطه في بحركم الرائع ....وصدقني انا لم انشر في هذا المنتدى الا لأسمع منكم التوجيهات والنصائح القيمه .
وبالنسبة للبيت اللي ذكرته .... فوالله انني ترردت فيه عدة مرات وصار بعد آخر تعديل هكذا :
لاتظهر اسرارك تراك اتورط******ان طلعت لاثنين ثالثهم نشرها
ولكن لم اقتنع ...!!!
وباقي الابيات ....لا اعتقد بها شيء .
يحفظك الله ....

وتقبل تحياتي



اخوووك
سلطان بن فيحان
25-01-2005, 03:05 AM
اخوي شااااعرها والله العظيم الذي لااله الا هو انها تحز في نفسي ان اقوووول لاي شخص قصيدتك مكسووره ليش؟؟ لانها قد صاارت معي من بعض المجلات واتضااايق وكنت اهمل هذا الجاانب من توليت الاشرااااااااف لكن عارضني عضو فعال ومعنا بها المنتدى قال لاتمررهااااا لانك ظلمته وظلمت المنتدى وفتحت المجااااال للكل هنااااااااااااااا فكرت وتاملت صرت اللى اشووووف مبدع اوجه ولله الحمد الكل ماشاء الله عليه مبدعين وانت اولهم ماااقوله لك مجااامله قسم بالله لاكن اعرفك واعرف قصااايدك منذ دخلت كل وحده اجمل من الثاااانيه لاذا انتهت لذى ونبهتك واشكرك على توجاوبك معي وثقتك بنفسك لكن الواحد سااعات يكتب بعجل وعدم تدقيق وانا كنت منهم تصدق اني مره نشرت هنا بالمرقاااب بس طبعا قبل الاشراف ابياات فيهاااا اخطاااء املائيه من سرعتي وبنفس الوقت كسرت البيت الين الله يجزااه بالخير اخو بيرل لوفر ارشدني بديت اعدل وادقق ولاانشر الين اكرر وعرضها على كذا واحد والله ياخوك لو ماني بحريص على ابداعك كان مررتها ولااني خسرااان بس استغربت بعد اطلاعي على عده مشاااااااااركااات لك كلها قمه فاحبيت انبهك ومن سبك حبك على مايقولون وعدوك من ضحكلك اخووووي شاااااعرهاااااا تقبل اعجااااااابي باسوبك المتفاااااهم ونقاااشك الصااااادق على العموووووم انا طولت لكن قلت اللى بخاااااطري وشكرا
شاعرها
25-01-2005, 09:42 AM
أشكرك كما أشكر كلماتك التي تدخل القلب بسرعة الصاروووخ
أخي شاعر الصمت باختصار شديد
ادعو الله ان يوفقك في الدنيا والآخره ...أنت انسان شاعر ويتضح ذلك من اسلوبك والقصه التي ذكرتها خير دليل على شاعريتك واحساسك بالناس .... نعم هذا هو الشاعر الحق , ويشرفني ان تكون صديقي الذي لا يجاملني .



تقبل تحياتي وامتناني
نواف فهاد الشمري
25-01-2005, 11:42 PM
شاعرها ...

وشاعرنا الغالي ...

والمبدع ...

قرأناها ...

وحطيناك ...

وسط قلوبنا ....

//

//

شاعرها + شاعر الصمت = كل الروعة .

تناقش حضاري ...

أستمتعت .. بقراءة ردودكم الرااااااااااااااقية ..

وأفتخرت ..

كوني عضو ...

في منتدى ..

يضم ... شاعرها ...

ويضم .. شاعر الصمت ..

تحياااااااااااااااااتي ,,,,
شاعرها
26-01-2005, 08:11 PM
هلا بأخي اللي منور الدنيا نواف الشمري
شكرا لحضورك .... الزاهي
ولكلماتك ..... المضيئه
ولشعورك ......الصاخب
انه عرس .... تواجدك واطرائك الجميل ... الله لا يحرمنا منه .


تحياااااااااتي



لك
ضي القمر
28-01-2005, 05:11 PM
صح لسانك يا شاعرها


لاهنت اخوي

شعرك حلو حيل

وسلمت يمناك
شاعرها
29-01-2005, 11:18 AM
الاخت الغالية ضي القمر
شكرا لكلماتك ..وحضورك
وصح بدنك ان شاء الله ...وربي يسلمك من كل شر .

تحياتي لك