المساعد الشخصي الرقمي

مشاهدة النسخة كاملة : ابـــسو م الـــود وأنــته لا تــــحده!!



نجم الأسلمي
08-01-2005, 03:06 AM
راكب اللـي مابطبلونـه يعـده
......................لامشى به لآخر الطبلون عـدي
من السفينه نزلـوه بشـط جـده
...................كمل التمرين في جـده ومـدي
آخذه ديـن وسـداده بعـد مـده
...................مع كفيـلً للخسايـر مستعـدي
بالمواتر ماصنـع موتـر يحـده
...................لامشى بالدرب لايمكـن يحـدي
صانعه ملعون أبو جـدً وجـده
..................كافرً بالدين واعن الخير صـدي
جيب جي إكس آر منوة من يرده
...................بعد داره عن محبً لـه يـودي
طالبـك ياسايقـه لالا تــرده
.................أدعس البنزين تكفـى لا تهـدي
عشقه واحـد وثـم لثنيـن رده
...................وعطه ثالث كان هو ستين عدي
وأيصل الميه وعشريـن وتعـده
.................وعشقه رابع وللخامـس تعـدي
مد رجلك فوق بنصه ثـم شـده
................وشغل الأكباس وأنوار التحـدي
ود مكتوبـي لنـور العيـن وده
....................وبلغـه أزكـى تحياتـي وودي
وقله أنـه مثـرً بالقلـب صـده
...................وقله أن القلب عن غيره مصدي
وقله انـه ماحـد سـد بمسـده
.....................وده اللي بس شد القلـب شـدي
ياربيع القلب لا تنسـى المـوده
....................بعت منهو لك على غيرك يبدي
الصبر بالقلب وقف عنـد حـده
....................من هواللي قال ماللصبر حـدي
بين لوعات الزمن جزره ومـده
..................الفرح من داخل القلب استبـدي
من كثير الصبر قلبي باح سـده
...................باح صبر القلب ثم أنباح سـدي
كلمتيـن أقولهـا خـذهـا ورده
..................والمحبه شرعهـا أخـذً وردي
أبسـوم الـود وأنتـه لا تحـده
.....................عادة البيـاع لامـن حـد لـدي

جراح
08-01-2005, 09:09 AM
الأسلمي


..سلمت يمينك والله لا يهينك ..


احساس راقي ...

عذوبة شعرية ..

من حس صادق ..

وتعبير حاذق ..

لا هنت

السبعان
08-01-2005, 08:39 PM
لاهنت اخوي الأسلمي
قصيدة رائعه جدا

almuqaati
08-01-2005, 09:51 PM
كلمتيـن أقولهـا خـذهـا ورده *** .والمحبه شرعهـا أخـذً وردي
أبسـوم الـود وأنتـه لا تحـده **** .عادة البيـاع لامـن حـد لـدي


صح لسانك يا نجم قصيدة رائعة ...... سجل إعجابي ......



تقبل أطيب الأماني

الموج
09-01-2005, 01:57 PM
تسلم نجم الاسلمي،،،،،

بس اهم شي ربط حزام الامان وعدم التهور بعدين ما توصل المراسيل

ومشاركه رائعه وبالتوفيق

سلطان بن فيحان
10-01-2005, 01:26 AM
صح لسان شاااااعرنا نجم الاسلمي ولاهنت يالغالي ويعطيك العافيه وبنتظااااااااااار الجديد والجميل من قصاااائدك المتميزه

نجم الأسلمي
10-01-2005, 02:36 AM
جراح ، السبعان ، مغلي العرقين ، الموج ، شاعر الصمت
صحت أبدانكم جميعاً وأشكركم على المرور العطر وقراءة ابياتي المتواضعة والردود الجميلة
تحياتي وصادق ودي.

عاشق الريم
10-01-2005, 04:07 AM
صح لسانك اخوي



ابيات رائعة


تشكر اخوي الاسلمي

نجم الأسلمي
10-01-2005, 03:28 PM
عاشق الريم . صح بدنك أخوي وشكراً على مرورك العطر.
تحياتي
اخوك نجم الاسلمي